ಬೆಂಗಳೂರು: ನಾನು ಮದುವೆಯಾಗುವ ಹುಡುಗ ತನ್ನ ಹಳೆಯ ಗೆಳತಿಯೊಂದಿಗೆ ದಿನಕ್ಕೆ ಐದಾರು ಬಾರಿ ಸಂಭೋಗಿಸಿದ್ದೆ ಅಂತಾನೆ. ಇದು ನಿಜಕ್ಕೂ ಸಾಧ್ಯವೇ? ದಿನಕ್ಕೆ ಇಷ್ಟು ಬಾರಿ ಸಂಭೋಗಿಸಲು ಸಾಧ್ಯವೇ? ನನಗೆ ಯಾಕೋ ಡೌಟಾಗುತ್ತಿದೆ. ಆತ ಸುಳ್ಳು ಹೇಳುತ್ತಿರಬಹುದೇ?
ಲೈಂಗಿಕ ಕ್ರಿಯೆ ಎನ್ನುವುದು ಸರ್ಕಸ್ ಅಲ್ಲ. ಒಂದು ವೇಳೆ ಇಬ್ಬರೂ ಪರಸ್ಪರ ಆಸಕ್ತಿ, ಒಪ್ಪಿಗೆ ಹೊಂದಿದ್ದಲ್ಲಿ ದಿನಕ್ಕೆ ಎಷ್ಟು ಬಾರಿ ಮಿಲನ ಹೊಂದುತ್ತಾರೆ ಎನ್ನುವುದು ಮುಖ್ಯವಲ್ಲ. ಆದರೆ ನೀವು ಮದುವೆಯಾಗುವ ಹುಡುಗ ಈ ರೀತಿ ಮಾಡಿದ್ದಾನೆ ಎಂದರೆ ನಿಮ್ಮಲ್ಲೂ ಅದೇ ನಿರೀಕ್ಷೆಯಿಟ್ಟುಕೊಂಡಿರಬಹುದು. ಒಂದು ವೇಳೆ ನಿಮ್ಮ ಮನಸ್ಸೂ ಇದಕ್ಕೆ ಒಪ್ಪಿಗೆ ನೀಡುತ್ತಿದ್ದರೆ ಸರಿ. ಇಲ್ಲದೇ ಹೋದರೆ ನಿಮ್ಮ ನಿರೀಕ್ಷೆಗಳೇನು ಎಂಬುದನ್ನು ಮುಕ್ತವಾಗಿ ಹಂಚಿಕೊಳ್ಳಿ.
