ಹೈದರಾಬಾದ್: ಅಲ್ಲು ಅರ್ಜುನ್ ನಾಯಕರಾಗಿರುವ ‘ಪುಷ್ಪ’ ಸಿನಿಮಾ ತಂಡ ಮೊನ್ನೆಯಷ್ಟೇ ರಿಲೀಸ್ ದಿನಾಂಕ ಘೋಷಿಸಿ ಎಲ್ಲರಿಗೆ ಸರ್ಪೈಸ್ ಕೊಟ್ಟಿತ್ತು. ಇದೀಗ ಎರಡನೇ ಸರ್ಪೈಸ್ ನೀಡುತ್ತಿದೆ.
ಪುಷ್ಪ ಸಿನಿಮಾದ ಹಾಡೊಂದು ಅಕ್ಟೋಬರ್ 13 ರಂದು ಬಿಡುಗಡೆಯಾಗುತ್ತಿದೆ. ಈ ಹಾಡು ನಾಯಕಿ ಶ್ರೀವಲ್ಲಿ ಅರ್ಥಾತ್ ರಶ್ಮಿಕಾ ಮಂದಣ್ಣ ಸುತ್ತ ಚಿತ್ರೀಕರಿಸಲಾಗಿದೆ.
ದೇವಿ ಪ್ರಸಾದ್ ಸಂಗೀತ ಸಂಯೋಜಿಸಿರುವ ಹಾಡು ತೆಲುಗು ಸೇರಿದಂತೆ ಐದು ಭಾಷೆಗಳಲ್ಲಿ ಮೂಡಿಬರಲಿದೆ. ಇದಕ್ಕೂ ಮೊದಲು ಬಿಡುಗಡೆಯಾಗಿದ್ದ ಪುಷ್ಪ ಸಿನಿಮಾದ ಹಾಡು ಯೂ ಟ್ಯೂಬ್ ನಲ್ಲಿ ದಾಖಲೆಯ ವೀಕ್ಷಣೆ ಕಂಡಿತ್ತು.
