ಸಿಡ್ನಿ: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಅಭ್ಯಾಸ ಟೆಸ್ಟ್ ಪಂದ್ಯದಲ್ಲಿ ಶತಕಗಳಿಸಿದ ಗುಟ್ಟನ್ನು ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ರಿಷಬ್ ಪಂತ್ ಹೊರಹಾಕಿದ್ದಾರೆ.
ಈ ಪಂದ್ಯದಲ್ಲಿ ರಿಷಬ್ ಸಿಟ್ಟಿನ ಭರದಲ್ಲಿ ಶತಕ ಗಳಿಸಿದ್ದರಂತೆ! ಹಾಗಂತ ಅವರೇ ಹೇಳಿಕೊಂಡಿದ್ದಾರೆ. ದೀರ್ಘ ಕಾಲದಿಂದ ಫಾರ್ಮ್ ಕಳೆದುಕೊಂಡು ಒದ್ದಾಡುತ್ತಿದ್ದ ರಿಷಬ್ ಈ ಪಂದ್ಯದಲ್ಲಿ 81 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದರು. ಆಗ ದಿನದಂತ್ಯವಾಗಲು ಒಂದು ಓವರ್ ಬಾಕಿಯಿತ್ತಷ್ಟೇ. ಹೀಗಾಗಿ ಶತಕ ಗಳಿಸುವ ಯೋಚನೆಯೇ ಅವರಿಗಿರಲಿಲ್ಲ. ಆದರೆ ಕೊನೆಯ ಓವರ್ ನ ಮೊದಲ ಎಸೆತ ಅವರ ಹೊಟ್ಟೆಗೆ ಬಡಿದಿತ್ತು. ಇದು ಅವರ ಆಕ್ರೋಶ ಹೆಚ್ಚಿಸಿತ್ತು. ಈ ಸಿಟ್ಟಿನ ಭರದಲ್ಲಿ ಮುಂದಿನ ಎಸೆತಗಳಲ್ಲಿ ನಾಲ್ಕು ಬೌಂಡರಿ ಒಂದು ಸಿಕ್ಸರ್ ಸಮೇತ 22 ರನ್ ಚಚ್ಚಿ ಶತಕ ಪೂರ್ತಿ ಮಾಡಿದರಂತೆ. ಈ ಶತಕ ತನಗೆ ಶಕ್ತಿವರ್ಧಕವಾಯಿತು ಎಂದು ಅವರು ಹೇಳಿಕೊಂಡಿದ್ದಾರೆ.
