ಮಾಜಿ ಕ್ರಿಕೆಟಿಗ ರಾಬಿನ್ ಸಿಂಗ್ ಕಾರ್ ಜಪ್ತಿ ಮಾಡಿದ ಪೊಲೀಸರು

ಚೆನ್ನೈ: ಲಾಕ್ ಡೌನ್ ನಿಯಮ ಉಲ್ಲಂಘಿಸಿದ ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ರಾಬಿನ್ ಸಿಂಗ್ ಕಾರನ್ನು ಚೆನ್ನೈ ಪೊಲೀಸರು ಜಪ್ತಿ ಮಾಡಿದ್ದಾರೆ.

ಪಾಸ್ ಇಲ್ಲದೇ ತರಕಾರಿ ತರಲು ಅಡ್ಯಾರ್ ನಿಂದ ಉತ್ತಾಂಡಿಗೆ ತೆರಳುತ್ತಿದ್ದ ರಾಬಿನ್ ಸಿಂಗ್ ಕಾರನ್ನು ಪೊಲೀಸರು ಸೀಝ್ ಮಾಡಿದ್ದಾರೆ.

ಈ ವೇಳೆ ರಾಬಿನ್ ಸಿಂಗ್ ಯಾವುದೇ ಕಿರಿಕ್ ಮಾಡಿಲ್ಲ. ಕಾರು ಜಪ್ತಿ ಮಾಡಲು ಸಹಕರಿಸಿದರು ಎಂದು ಪೊಲೀಸರು ಹೇಳಿದ್ದಾರೆ. ಸದ್ಯದಲ್ಲಿ ಜಾರಿಯಲ್ಲಿರುವ ಲಾಕ್ ಡೌನ್ ನಿಯಮದ ಪ್ರಕಾರ ಅಗತ್ಯ ವಸ್ತುಗಳನ್ನು ಖರೀದಿಸಲು ಜನರು ಎರಡು ಕಿ.ಮೀ. ಒಳಗಿನ ಸ್ಥಳಗಳಿಗೆ ತೆರಳಬೇಕಾದರೆ ಕಾರು ಬಳಸುವಂತಿಲ್ಲ.