ಕೊರೋನಾ ಬಗ್ಗೆ ಮಾಹಿತಿ ಪಡೆಯಲು ‘ಆಪ್ತಮಿತ್ರ’ನಿಗೆ ಕರೆ ಮಾಡಿ

ಬೆಂಗಳೂರು: ಕೊರೋನಾವೈರಸ್ ಬಗ್ಗೆ ಜನರಲ್ಲಿ ಅನೇಕ ಆತಂಕಗಳಿವೆ. ಮಾಮೂಲು ಜ್ವರ ಬಂದರೂ ನನಗೆ ಕೊರೋನಾ ತಗುಲಿದೆಯೇನೋ ಎಂದು ಆತಂಕಪಡುವಂತಾಗಿದೆ. ಜನರ ಈ ಆತಂಕಗಳಿಗೆ ಉತ್ತರಿಸಲು ರಾಜ್ಯ ಸರ್ಕಾರ ‘ಆಪ್ತಮಿತ್ರ’ನ ಲಾಂಚ್ ಮಾಡಿದೆ.

ಕೊರೋನಾ ಸೋಂಕಿನ ಲಕ್ಷಣಗಳಿದ್ದರೆ ಕರೆ ಮಾಡಿ ಹೆಚ್ಚಿನ ಮಾಹಿತಿ ಪಡೆಯಲು ಅನುಕೂಲವಾಗುವಂತೆ ರಾಜ್ಯ ಸರ್ಕಾರ ‘ಆಪ್ತಮಿತ್ರ’ ಸಹಾಯವಾಣಿ ಆರಂಭಿಸಿದೆ.

14410 ಎಂಬ ಸಂಖ್ಯೆಗೆ ಕರೆ ಮಾಡಿ ನಿಮ್ಮ ಅನುಮಾನಗಳನ್ನು ಪರಿಹರಿಸಿಕೊಳ್ಳಬಹುದು. ಈ ಸಹಾಯವಾಣಿ ಬೆಳಿಗ್ಗೆ 8 ರಿಂದ ರಾತ್ರಿ 8 ರವರೆಗೆ ತೆರೆದಿರುತ್ತದೆ.