ಬೆಂಗಳೂರು: ಸಂಗಾತಿ ಜತೆ ರೊಮ್ಯಾಂಟಿಕ್ ಸಮಯ ಕಳೆಯಲು ಸಾಧ್ಯವಾಗದೇ ಹೋದಲ್ಲಿ ಪತಿ-ಪತ್ನಿಯ ಸಂಬಂಧದಲ್ಲಿ ಸಹಜವಾಗಿ ಬಿರುಕು ಮೂಡುತ್ತದೆ. ರೊಮ್ಯಾನ್ಸ್ ಗೆ ಅಡ್ಡಿ ಮಾಡುವ ಕೆಲವು ವಿಚಾರಗಳು ಯಾವುವು ನೋಡೋಣ.
ಒತ್ತಡ
ಮಿಲನ ಕ್ರಿಯೆ ಎನ್ನುವುದು ಕೇವಲ ದೇಹದ ಕೂಡುವಿಕೆ ಅಲ್ಲ. ಮನಸ್ಸೂ ಒಂದಾದರೆ ಮಾತ್ರ ಸಂತೋಷ ಸಿಗಬಹುದು. ಮಾನಸಿಕ ಒತ್ತಡಗಳು, ಖಿನ್ನತೆಯಂತಹ ಸಮಸ್ಯೆ ಲೈಂಗಿಕ ಜೀವನವನ್ನು ಹದಗೆಡಿಸುತ್ತದೆ.
ಔಷಧಗಳು
ಕೆಲವೊಂದು ಔಷಧಗಳು ಲೈಂಗಿಕ ಸಾಮರ್ಥ್ಯವನ್ನು ಕುಗ್ಗಿಸುತ್ತವೆ. ಮತ್ತು ಇದರಲ್ಲಿ ಆಸಕ್ತಿ ಕಳೆದುಕೊಳ್ಳುವಂತೆ ಮಾಡುತ್ತದೆ. ಹೀಗಾಗಿ ಇವುಗಳಿಂದ ದೂರವಿರಿ.
ದೇಹ ಸೌಂದರ್ಯ
ದೇಹ ಸಿರಿಯ ಬಗೆಗಿನ ಕೆಲವು ತಪ್ಪು ಕಲ್ಪನೆಗಳು ಸಹಜ ಲೈಂಗಿಕ ಜೀವನಕ್ಕೆ ಅಡ್ಡಿ ಮಾಡುತ್ತವೆ. ಅನಗತ್ಯವಾಗಿ ದೇಹ ಸೌಂದರ್ಯದ ಬಗ್ಗೆ ಕೀಳರಿಮೆ ಬೆಳೆಸಿಕೊಳ್ಳುವುದನ್ನು ಬಿಡಿ.
ಮಕ್ಕಳು
ಮಕ್ಕಳಾದ ಮೇಲೆ ದಂಪತಿಗಳಲ್ಲಿ ಲೈಂಗಿಕ ಜೀವನ ಮೊದಲಿನಂತೆ ಇರದು. ಹೊಸ ಜೀವನಕ್ಕೆ ಹೊಂದಿಕೊಳ‍್ಳುವ ಭರದಲ್ಲಿ, ಮಕ್ಕಳಿಗಾಗಿ ಸಮಯ ಮೀಸಲಿಡಬೇಕಾದ ಒತ್ತಡದಲ್ಲಿ ಲೈಂಗಿಕ ಜೀವನದಲ್ಲಿ ಆಸಕ್ತಿ ಕಳೆದುಕೊಳ್ಳುತ್ತೀರಿ. ಹೀಗಾಗಿ ಆಗಾಗ ಹೊರಗಡೆ ಪ್ರವಾಸ, ಪಿಕ್ ನಿಕ್ ಹೋಗುತ್ತಾ ದಾಂಪತ್ಯ ಜೀವನದ ಸುಖ ಪಡೆಯಬಹುದು.
ಕೆಲಸದ ಒತ್ತಡ
ರಾತ್ರಿ ಪಾಳಿ, ಅಥವಾ ಕಚೇರಿಯ ಕೆಲಸಗಳನ್ನೂ ಮನೆಗೂ ಹೊತ್ತೊಯ್ಯುವುದು ಲೈಂಗಿಕ ಜೀವನಕ್ಕೆ ಕತ್ತರಿ ಹಾಕುತ್ತದೆ. ಹೀಗಾಗಿ ಸಿಗುವ ಸಮಯವನ್ನು ಹೇಗೆ ಸದುಪಯೋಗಪಡಿಸಿಕೊಳ್ಳಬಹುದೆಂದು ಸಂಗಾತಿ ಜತೆ ಚರ್ಚಿಸಿ ರೊಮ್ಯಾಂಟಿಕ್ ಜೀವನ ನಡೆಸಿ!
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.