ಕಲಿಕೆಗೆ ವಯಸ್ಸಿನ ಮಿತಿ ಇಲ್ಲ 104ರ ಕಟ್ಟಿಯಮ್ಮ ಸಾಕ್ಷಿ!

ಕೋಟ್ಟಯಂನ 104 ವರ್ಷದ ಕುಟ್ಟಿಯಮ್ಮ ಎನ್ನುವ ವೃದ್ಧೆಯೇ ಈ ಸಾಧನೆ ಮಾಡಿದ ಛಲಗಾತಿ.

ಈವರೆಗೂ ಶಾಲೆಯ ಮೆಟ್ಟಿಲನ್ನೇ ನೋಡದ ಕುಟ್ಟಿಯಮ್ಮ, ರಾಜ್ಯ ಸರ್ಕಾರ ನಡೆಸುವ ಸಾಕ್ಷರತಾ ಪರೀಕ್ಷೆಯನ್ನು ಪಾಸು ಮಾಡಿಕೊಂಡಿದ್ದು ಮಾತ್ರವಲ್ಲದೇ ಶೇ. 89 ರಷ್ಟು ಅಂಕ ಪಡೆದು, ವಯಸ್ಸು ಕೇವಲ ನಂಬರ್ ಎಂದು ಸಾಬೀತು ಮಾಡಿದ್ದಾರೆ. ಅಲ್ಲದೇ ನಾಲ್ಕನೇ ತರಗತಿಯ ಪರೀಕ್ಷೆ ಬರೆಯಲು ಅರ್ಹತೆ ಪಡೆದಿದ್ದಾರೆ.
ಕುಟ್ಟಿಯಮ್ಮ ಈ ಸಾಧನೆ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶಂಸೆಯ ಮಹಾಪೂರಗಳೇ ಹರಿದು ಬಂದಿವೆ. ಇಳಿ ವಯಸ್ಸಿನಲ್ಲೂ ಹರೆಯದ ಹುಡುಗರಂತೆ ಉತ್ಸಾಹದ ಚಿಲುಮೆಯಾಗಿರುವ ಕುಟ್ಟಿಯಮ್ಮ ಅವರ ಈ ಸಾಧನೆ ಇದೀಗ ಹಲವು ಮಂದಿಗೆ ಆದರ್ಶ ಪ್ರಾಯವಾಗಿದೆ. ವಯಸ್ಸು ಶತಕ ದಾಟಿ, ಮುಖ ಸುಕ್ಕು ಗಟ್ಟಿದರೂ ಕುಟ್ಟಿಯಮ್ಮ ಮುಖದಲ್ಲಿ ಪುಟಿಯುವ ಉತ್ಸಾಹ ನಿಜಕ್ಕೂ ಇಂದಿನ ಯುವ ಜನತೆಗೆ ಮಾದರಿ.