ಪನ್ನೀರ್-ಚಿಕನ್ ಮಸಾಲಾ

ಅಗತ್ಯವಿರುವ ಸಾಮಾಗ್ರಿಗಳು

ಕೋಳಿಮಾಂಸ : ಅರ್ಧ ಕೇಜಿ

ಪನ್ನೀರ್ : 100 ಗ್ರಾಂ 

ಟೊಮೇಟೊ ಪ್ಯೂರಿ: ಅರ್ಧ ಕಪ್

ಈರುಳ್ಳಿ ಪ್ಯೂರಿ: ಅರ್ಧ ಕಪ್

ಸಣ್ಣದಾಗಿ ಕತ್ತರಿಸಿದ ಈರುಳ್ಳಿ - ಅರ್ಧ ಕಪ್

ಗರಂ ಮಸಾಲ - 2 ಚಿಕ್ಕ ಚಮಚ

ಕೆಂಪು ಮೆಣಸಿನ ಪುಡಿ - 1 ಚಮಚ

ಧನಿಯ ಪುಡಿ - 1/2 ಚಮಚ

ಹಸಿಮೆಣಸು - 6-7 

ಸಾಸಿವೆ- 1/4th ಚಿಕ್ಕ ಚಮಚ

ಎಣ್ಣೆ

ಲಿಂಬೆ ರಸ - 2 ಚಿಕ್ಕ ಚಮಚ

ಉಪ್ಪು: ರುಚಿಗನುಸಾರ

ಮಾಡುವ ವಿಧಾನ: 

- ಒಂದು ದಪ್ಪತಳದ ಬಾಣಲೆಯಲ್ಲಿ ಕೊಂಚ ಎಣ್ಣೆ ಹಾಕಿ ಬಿಸಿಮಾಡಿ. ಇದರಲ್ಲಿ ಪನ್ನೀರ್ ತುಂಡುಗಳನ್ನು ಹಾಕಿ ಎಲ್ಲಾ ಬದಿಗಳು ಕಂದು ಬಣ್ಣ ಬರುವಷ್ಟು ಹುರಿಯಿರಿ. ಬಳಿಕ ಪನ್ನೀರ್ ತುಂಡುಗಳನ್ನು ಇನ್ನೊಂದು ಪಾತ್ರೆಯಲ್ಲಿ ಬದಿಗಿಡಿ 

- ಬಳಿಕ ಇದೇ ಪಾತ್ರೆಯಲ್ಲಿ ಕೊಂಚ ಎಣ್ಣೆ ಹಾಕಿ ಸಾಸಿವೆ ಸಿಡಿಸಿ, ಬಳಿಕ ಈರುಳ್ಳಿ ಮತ್ತು ಹಸಿಮೆಣಸು ಹಾಕಿ ಈರುಳ್ಳಿ ಕೊಂಚ ಕೆಂಪು ಬಣ್ಣ ಬರುವವರೆಗೆ ಹುರಿಯಿರಿ.

- ಈಗ ಟೊಮೇಟೋ ಪ್ಯೂರಿ, ಈರುಳ್ಳಿ ಪ್ಯೂರಿ, ಗರಂ ಮಸಾಲೆ ಪುಡಿ, ಮೆಣಸಿನ ಪುಡಿ, ಧನಿಯ ಪುಡಿ ಹಾಕಿ ಹುರಿಯಿರಿ. 

- ಇದರಿಂದ ಕೊಂಚ ಎಣ್ಣೆ ಬಿಡುತ್ತಿದ್ದಂತೆಯೇ ಪನ್ನೀರ್ ತುಂಡುಗಳನ್ನು ಹಾಕಿ ಮಿಶ್ರಣ ಮಾಡಿ 

- ಬಳಿಕ ಕೋಳಿಮಾಂಸದ ತುಂಡುಗಳನ್ನು ಹಾಕಿ ಮಿಶ್ರಣ ಮಾಡಿ ಉಪ್ಪು ಸೇರಿಸಿ ಇದರ ಮೇಲೆ ಲಿಂಬೆರಸ ಸೇರಿಸಿ ಚಿಕ್ಕ ಉರಿಯಲ್ಲಿ ಕೋಳಿ ಮಾಂಸ ಬೇಯುವವರೆಗೆ ನಡುನಡುವೆ ತಿರುವುತ್ತಾ ಹುರಿಯಿರಿ. 

- ಈ ಸಾರು ರೊಟ್ಟಿ ಮತ್ತು ಅನ್ನದೊಂದಿಗೆ ಸೇವಿಸಲು ತುಂಬಾ ರುಚಿಯಾಗಿರುತ್ತದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.