ಸೋರೆಕಾಯಿ ಬರ್ಫಿ

ಬೇಕಾಗುವ ಸಾಮಗ್ರಿಗಳು

ತುರಿದ ಸೋರೆಕಾಯಿ 3 ಕಪ್

ಸಕ್ಕರೆ 2 ಕಪ್

ತುಪ್ಪ 4-5 ಚಮಚ

ಉಪ್ಪು ಚಿಟಿಕೆ

ಏಲಕ್ಕಿ ಪುಡಿ 1 ಚಮಚ

ಗೋಡಂಬಿ ಚೂರು - 2 ಚಮಚ

ಮಾಡುವ ವಿಧಾನ

* ಒಂದು ದಪ್ಪ ತಳದ ಬಾಣಲೆಯಲ್ಲಿ ತುಪ್ಪ ಬಿಸಿಮಾಡಿ, ತುರಿದ ಸೋರೆಕಾಯಿಯನ್ನು ಹಾಕಿ 5 ನಿಮಿಷ ಹುರಿಯಿರಿ.

* ನಂತರ ಅದಕ್ಕೆ ಸಕ್ಕರೆ ಮತ್ತು ಉಪ್ಪು ಹಾಕಿ ತಳ ಬಿಡುವ ವರೆಗೆ ಕಲಕುತ್ತಿರಿ.

* ತಳ ಬಿಡಲು ಆರಂಭವಾದ ಮೇಲೆ ಏಲಕ್ಕಿ ಪುಡಿ ಸೇರಿಸಿ ತುಪ್ಪ ಸವರಿದ ತಟ್ಟೆಗೆ ಹಾಕಿ, ಸಮತಟ್ಟಾಗಿ ಮಾಡಿ ಅದರ ಮೇಲೆ ಗೋಡಂಬಿ ಚೂರುಗಳನ್ನು ಹಾಕಿ ಅಲಂಕರಿಸಿ

* ತಣ್ಣಗಾದ ಮೇಲೆ ಬೇಕಾದ ಆಕಾರಕ್ಕೆ ಕತ್ತರಿಸಿ.