ಬೆಂಗಳೂರು : ಬಾಳೆಕಾಯಿಯಿಂದ ತಯಾರಿಸಿದ ಎಲ್ಲಾ ಬಗೆಯ ಆಹಾರಗಳು ರುಚಿಕರವಾಗಿರುತ್ತದೆ. ಆದಕಾರಣ ಬಾಳೆಕಾಯಿಯಿಂದ ರುಚಿಕರವಾದ ಮಂಚೂರಿ ತಯಾರಿಸಿ ತಿನ್ನಿ.
ಬೇಕಾಗುವ ಸಾಮಾಗ್ರಿಗಳು: 1ಕೆಜಿ ಬಾಳೆಕಾಯಿ, 250ಗ್ರಾಂ ಕಾರ್ನ್ ಪ್ಲೋರ್, 250 ಗ್ರಾಂ ಅಕ್ಕಿಹಿಟ್ಟು, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಕೊತ್ತಂಬರಿ ಸೊಪ್ಪು, ಖಾರ ಪುಡಿ, ಉಪ್ಪು, ಎಣ್ಣೆ, ಸೋಯಸಾಸ್, ಟೊಮೆಟೊ ಸಾಸ್, ವಿನೆಗರ್, ಈರುಳ್ಳಿ
ಮಾಡುವ ವಿಧಾನ : ಮೊದಲಿಗೆ ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಕೊತ್ತಂಬರಿ ಸೊಪ್ಪು, ಸೋಯಸಾಸ್, ಟೊಮೆಟೊ ಸಾಸ್, ವಿನೆಗರ್, ಈರುಳ್ಳಿ ಇವಿಷ್ಟನ್ನು ಮಿಕ್ಸ್ ಮಾಡಿ ಮಸಾಲೆ ತಯಾರಿಸಿಟ್ಟುಕೊಳ್ಳಿ. ನಂತರ ಬಾಳೆಕಾಯಿ ಬೇಯಿಸಿ ನೀರನ್ನು ಸೋಸಿಟ್ಟುಕೊಳ್ಳಿ. ಅದಕ್ಕೆ ಕಾರ್ನ್ ಪ್ಲೋರ್, ಅಕ್ಕಿಹಿಟ್ಟು, ಖಾರ ಪುಡಿ, ರುಚಿಗೆ ತಕಷ್ಟು ಉಪ್ಪು ಹಾಕಿ ಕಲಸಿ ಕಾದ ಎಣ್ಣೆಯಲ್ಲಿ ಹುರಿಯಿರಿ. ಬಳಿಕ ಮಾಡಿಟ್ಟ ಮಸಾಲೆಗೆ ಕರಿದ ಬಾಳೆಕಾಯಿಯನ್ನು ಹಾಕಿ ಮಿಕ್ಸ್ ಮಾಡಿದರೆ ಬಾಳೆಕಾಯಿ ಮಂಚೂರಿ ರೆಡಿ.
