ಪ್ರಧಾನಿ ಮೋದಿ ಯೋಗದ ವಿಡಿಯೋಗೂ ರಾಹುಲ್ ಗಾಂಧಿ ಟೀಕೆ

ನವದೆಹಲಿ: ಪ್ರಧಾನಿ ಮೋದಿ ವಿರಾಟ್ ಕೊಹ್ಲಿ ನೀಡಿದ್ದ ಫಿಟ್ನೆಸ್ ಚಾಲೆಂಜ್ ಸ್ವೀಕರಿಸಿ ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಿದ್ದ ಯೋಗದ ವಿಡಿಯೋಗೂ ರಾಹುಲ್ ಗಾಂಧಿ ಟೀಕಿಸಿದ್ದಾರೆ.

ಪ್ರಧಾನಿ ಮೋದಿ ಯೋಗ ಮಾಡುವ ವಿಡಿಯೋ ವಿಚಿತ್ರ ಮತ್ತು ಅಪಹಾಸ್ಯಕರವಾಗಿದೆ ಎಂದು  ರಾಹುಲ್ ಲೇವಡಿ ಮಾಡಿದ್ದಾರೆ. ದೆಹಲಿಯ ಐಷಾರಾಮಿ ಹೋಟೆಲ್ ನಲ್ಲಿ ಮಿತ್ರ ಪಕ್ಷಗಳಿಗೆ ನೀಡಿದ ಇಫ್ತಾರ್ ಕೂಟದಲ್ಲಿ ಅವರು ಸಿಪಿಎಂ ನಾಯಕ ಸೀತಾರಾಮ್ ಯಚೂರಿ ಎದುರು ಮೋದಿ ವಿಡಿಯೋ ಕುರಿತು ವ್ಯಂಗ್ಯವಾಡಿದ್ದಾರೆ.

‘ಮೋದಿ ಫಿಟ್ನೆಸ್ ವಿಡಿಯೋ ನೋಡಿದ್ದೀರಾ? ಇದು ಅಪಹಾಸ್ಯಕರವಾಗಿದೆ. ಅಂದರೆ ಇದು ವಿಚಿತ್ರವಾಗಿದೆ. ಇದು ದಿವಾಳಿತನ ತೋರಿಸುತ್ತದೆ. ಸಾಧ್ಯವಾದರೆ ನೀವೂ ಒಂದು ಫಿಟ್ನೆಸ್ ವಿಡಿಯೋ ಪೋಸ್ಟ್ ಮಾಡಿ’ ಎಂದು ಸೀತಾರಾಂ ಯಚೂರಿ ಬಳಿ ರಾಹುಲ್ ಹಾಸ್ಯ ಮಾಡಿದ್ದಾರೆ ಎನ್ನಲಾಗಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.