ಶಾಕಿಂಗ್! ಮಗಳ ಮೇಲೆ ಅತ್ಯಾಚಾರ, ಕೊಲೆ ಮಾಡಿ ಎಸ್ಕೇಪ್ ಆಗಲು ಹೊರಟ ಪೋಷಕರು!

ಪುಣೆ: ಹೆತ್ತವರೇ ಮಕ್ಕಳ ಪಾಲಿಗೆ ಕಂಟಕವಾದರೆ ಮಕ್ಕಳ ಗತಿಯೇನು? ಅಂತಹದ್ದೇ ಹೃದಯ ವಿದ್ರಾವಕ ಘಟನೆ ಪುಣೆಯಲ್ಲಿ ನಡೆದಿದೆ.

ಹೆತ್ತ ತಂದೆಯೇ ಮಗಳ ಮೇಲೆ ಅತ್ಯಾಚಾರ ನಡೆಸಿ, ಬಳಿಕ ಕೊಲೆ ಮಾಡಿ ರಾಜಸ್ಥಾನ್ ಗೆ ಮೃತದೇಹ ಸಮೇತ ಎಸ್ಕೇಪ್ ಆಗಲು ಯತ್ನಿಸಿದ್ದಾರೆ. ರೈಲಿನಲ್ಲಿ ರಾಜಸ್ಥಾನ್ ಕಡೆಗೆ ಮೃತದೇಹ ಸಮೇತ ಪ್ರಯಾಣ ಬೆಳೆಸಿದ್ದಾರೆ. ಆದರೆ ಸಹ ಪ್ರಯಾಣಿಕರಿಗೆ ಸಂತ್ರಸ್ತ ಬಾಲಕಿ ಎಷ್ಟು ಹೊತ್ತಾದರೂ ಎಚ್ಚರವಾಗದೇ ಇರುವುದು ನೋಡಿ ಸಂಶಯವಾಗಿದೆ.

ಇದೇ ಕಾರಣಕ್ಕೆ ಪೊಲೀಸರಿಗೆ ಮಾಹಿತಿ ನೀಡಿದ್ದು, ತಕ್ಷಣವೇ ಪೊಲೀಸರು ಆಗಮಿಸಿದಾಗ ನಿಜಾಂಶ ಬಯಲಾಗಿದೆ. ತಂದೆಯೇ ಅಪ್ರಾಪ್ತ ಮಗಳ ಮೇಲೆ ಅತ್ಯಾಚಾರವೆಸಗಿ ಕೊಲೆ ಮಾಡಿದ್ದ. ಬಳಿಕ ಪತ್ನಿ, ಪುತ್ರನಿಗೆ ಬೆದರಿಕೆ ಹಾಕಿ ತವರು ರಾಜಸ್ಥಾನ್ ನ ಹಳ್ಳಿಯೊಂದಕ್ಕೆ ತೆರಳಿ ಸಾಕ್ಷ್ಯ ನಾಶಪಡಿಸಲು ಹುನ್ನಾರ ನಡೆಸಿದ್ದ. ಆದರೆ ಇದೀಗ ಆರೋಪಿಗಳನ್ನು ಬಂಧಿಸಲಾಗಿದೆ.