ಬಿಹಾರ : ಹುಡುಗಿಯೊಬ್ಬಳು ತನ್ನ ಪ್ರೇಮಿಯ ಪತ್ನಿಯ ಕೂದಲನ್ನು ಕತ್ತರಿಸಿ ಆಕೆಯ ಕಣ್ಣಿಗೆ ಫೆವಿ ಕ್ವಿಕ್ ಗಮ್ ಸುರಿದ ಘಟನೆ ಬಿಹಾರದಲ್ಲಿ ನಡೆದಿದೆ.
ಹುಡುಗಿ ತನ್ನ ಗೆಳೆಯ ಬೇರೆ ಹುಡುಗಿಯೊಂದಿಗೆ ಮದುವೆಯಾಗಿದ್ದಕ್ಕೆ ಕೋಪಗೊಂಡಿದ್ದಳು. ಆ ಕಾರಣದಿಂದ ಹುಡುಗಿ ರಾತ್ರಿ ಮಲಗಿದ್ದಾಗ ಗೆಳೆಯನ ಕೋಣೆಗೆ ನುಗ್ಗಿ ಪತ್ನಿಯ ಕೂದಲನ್ನು ಕತ್ತರಿಸಿ ಆಕೆಯ ಕಣ್ಣಿಗೆ ಫೆವಿ ಕ್ವಿಕ್ ಗಮ್ ಸುರಿದು ಪರಾರಿಯಾಗಲು ಯತ್ನಿಸಿದ್ದಾಳೆ. ಆ ವೇಳೆ ಸಂತ್ರಸ್ತೆ ಕೂಗಿಕೊಂಡ ಕಾರಣ ಮನೆಯವರೆಲ್ಲ ಆಕೆಯನ್ನು ಹಿಡಿದಿದ್ದಾರೆ.
ಬಳಿಕ ಆರೋಪಿ ಹುಡುಗಿಯನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಸಂತ್ರಸ್ತೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಯ ಕಣ್ಣು ಸುಟ್ಟು ಹೋಗಿದ್ದು, ಕಣ್ಣು ಕಳೆದುಕೊಳ್ಳುವ ಸಾಧ್ಯತೆ ಇದೆ ಎಂದು ವೈದ್ಯರು ತಿಳಿಸಿದ್ದಾರೆ.
