ಮಗುವಿಗೆ ಅರಿಶಿಣ-ಕುಂಕುಮ ತಿನಿಸಿದ ತಂದೆ!

ಹೈದರಾಬಾದ್: ದೇವರಿಗೆ ಹರಕೆ ಎಂದು ಜನ ಕೆಲವೊಮ್ಮೆ ಮೂಢ ಆಚರಣೆಗಳ ಮೊರೆ ಹೋಗುತ್ತಾರೆ. ಅದೇ ರೀತಿ ಆಂಧ್ರಪ್ರದೇಶದಲ್ಲಿ ತಂದೆಯೊಬ್ಬ ತನ್ನ ನಾಲ್ಕು ವರ್ಷದ ಮಗುವಿಗೆ ಅರಶಿಣ-ಕುಂಕುಮ ನೀಡಿ ಎಡವಟ್ಟು ಮಾಡಿಕೊಂಡಿದ್ದಾನೆ.

ದೇವರನ್ನು ಮೆಚ್ಚಿಸಲು ತಂದೆ ಮನೆಯೆಲ್ಲಾ ಅರಶಿಣ-ಕುಂಕುಮ ಹಾಕಿದ್ದಲ್ಲದೆ ಮಗುವಿಗೂ ತಿನ್ನಲು ಕೊಟ್ಟಿದ್ದಾನೆ. ಆದರೆ ಆಕೆ ತಿನ್ನದೇ ಹೋದಾಗ ಬಲವಂತವಾಗಿ ತಿನಿಸಿದ್ದಾನೆ. ಪರಿಣಾಮ ಮಗು ಅಸ್ವಸ್ಥವಾಗಿದೆ.

ತಕ್ಷಣವೇ ಬಾಲಕಿಯನ್ನು ಸ್ಥಳೀಯರು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಮಗುವಿನ ಸ್ಥಿತಿ ಈಗ ಗಂಭೀರವಾಗಿದೆ. ಆರೋಪಿ ತಂದೆಯನ್ನು ಪೊಲೀಸರು ಬಂಧಿಸಿದ್ದಾರೆ.