ನಾಯಿ ಮೇಲೆ ಆಸಿಡ್ ದಾಳಿ: ದಂಪತಿ ವಿರುದ್ಧ ಪ್ರಕರಣ ದಾಖಲು

ಥಾಣೆ: ಬೀದಿ ನಾಯಿಯೊಂದು ದಿನಾ ತಮ್ಮ ಮನೆಯ ಬಳಿ ಬಂದು ಮಲಗುತ್ತಿತ್ತು ಎಂಬ ಕಾರಣಕ್ಕೆ ದಂಪತಿ ಆಸಿಡ್ ದಾಳಿ ಮಾಡಿದ ಘಟನೆ ಥಾಣೆಯಲ್ಲಿ ನಡೆದಿದೆ.

ಆಸಿಡ್ ದಾಳಿಗೊಳಗಾದ ನಾಯಿ ಈಗ ಕಿವಿ, ಕಾಲು ಕಳೆದುಕೊಂಡಿದೆ. ಈ ಹೀನ ಕೃತ್ಯವೆಸಗಿದ ದಂಪತಿ ವಿರುದ್ಧ ಪ್ರಕರಣ ದಾಖಲಾಗಿದೆ. ನಾಯಿಯನ್ನು ಸ್ಥಳೀಯ ಸ್ವಯಂ ಸೇವಾ ಸಂಘವೊಂದು ವಶಕ್ಕೆ ಪಡೆದು ಚಿಕಿತ್ಸೆ ನೀಡುತ್ತಿದೆ. ನಾಯಿ ಮೇಲೆ ನಡೆದ ಕ್ರೂರ ಕೃತ್ಯದ ಬಗ್ಗೆ ತಿಳಿದುಕೊಂಡ ಪ್ರಾಣಿ ದಯಾ ಸಂಘ ಪೊಲೀಸರಿಗೆ ಮಾಹಿತಿ ನೀಡಿತ್ತು.