ತ್ರಿಶ್ಶೂರ್: 91 ರ ವಯಸ್ಸು ಎಂದರೆ ಮನುಷ್ಯ ವೈರಾಗಿಯಾಗುತ್ತಾನೆ ಎನ್ನಲಾಗುತ್ತದೆ. ಆದರೆ ಇಲ್ಲೊಬ್ಬ 91 ರ ಮುದುಕ ತನ್ನ ಇಳಿ ವಯಸ್ಸಿನಲ್ಲೂ ಪತ್ನಿಯನ್ನು ಬರ್ಬರವಾಗಿ ಕೊಲೆಗೈಯುವ ಮಟ್ಟಕ್ಕೆ ಇಳಿದಿದ್ದಾನೆ.
ಕೇರಳದ ತ್ರಿಶ್ಶೂರ್ ನಲ್ಲಿ ಇಂತಹ ಘಟನೆ ನಡೆದಿದೆ. ಪೊಲೀಸರ ಪ್ರಕಾರ ಕೌಟುಂಬಿಕ ಕಲಹವೇ ಈ ಕೊಲೆಗೆ ಕಾರಣ ಎನ್ನಲಾಗಿದೆ. 91 ರ ತಾತ ಚೆರಿಯಕ್ಕುಟ್ಟಿ ತನ್ನ 87 ವರ್ಷದ ಪತ್ನಿಯನ್ನು ಕೊಲೆಗೈದಿದ್ದಲ್ಲದೆ, ಮೃತದೇಹವನ್ನು ಸುಟ್ಟು ಹಾಕಿದ್ದ.
ನೆರೆ ಹೊರೆಯವರ ಪ್ರಕಾರ ಈ ವೃದ್ಧ ದಂಪತಿ ಪ್ರತಿ ನಿತ್ಯ ಜಗಳವಾಡುತ್ತಿತ್ತಂತೆ. ಈ ಇಳಿ ವಯಸ್ಸಿನಲ್ಲಿ ಮಕ್ಕಳಿದ್ದರೂ ಪ್ರತ್ಯೇಕವಾಗಿ ಈ ಇಬ್ಬರೂ ವಾಸಿಸುತ್ತಿದ್ದರು ಎನ್ನಲಾಗಿದೆ. ತನ್ನ ಅಮ್ಮ ಕಾಣೆಯಾಗಿದ್ದಾಳೆಂದು ಪುತ್ರ ಪೊಲೀಸರಿಗೆ ದೂರು ನೀಡಿದ್ದ. ಈ ಸಂದರ್ಭದಲ್ಲಿ ಆರೋಪಿ ತಾತ ಕೂಡಾ ತನ್ನ ಪತ್ನಿ ಕಾಣಿಸುತ್ತಿಲ್ಲವೆಂದು ನಾಟಕವಾಡಿದ್ದ ಎನ್ನಲಾಗಿದೆ. ಆದರೆ ತಾತನ ಊರುಗೋಲಿನಲ್ಲಿದ್ದ ರಕ್ತದ ಕಲೆ ಕೊಲೆಯ ಸುಳಿವು ನೀಡಿತು.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
