ಟ್ರಾಫಿಕ್​​ ಜಾಮ್​​ ಹಿನ್ನೆಲೆ ಮಾರ್ಗ ಬದಲು

ಬೆಂಗಳೂರಿನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮೆಗಾ ರೋಡ್​​ ಶೋ ಹಿನ್ನೆಲೆ, ಬೆಂಗಳೂರಿನ ವಾಹನ ಸವಾರರಿಗೆ ಟ್ರಾಫಿಕ್​​ ಬಿಸಿ ತಟ್ಟುವ ಹಿನ್ನೆಲೆಯಲ್ಲಿ ಸಂಚಾರ ಮಾರ್ಗ ಬದಲಾಯಿಸಲಾಗಿತ್ತು. ಬಸ್​, ಆಟೋ, ಬೈಕ್​​, ಖಾಸಗಿ ವಾಹನಗಳಿಗೆ ಬದಲಿ ಮಾರ್ಗ ಬಳಸಲು ಸೂಚನೆ ನೀಡಲಾಗಿತ್ತು.. ಬೆಂಗಳೂರು ಸಂಚಾರಿ ಪೊಲೀಸರು ಸವಾರರಿಗೆ ಈ ಕುರಿತು ಸೂಚನೆ ನೀಡಿದ್ರು.. ಜೆ.ಪಿ.ನಗರ, RBI ಲೇಔಟ್, ರೋಸ್ ಗಾರ್ಡನ್, ಜೆಜೆ ನಗರ, ಬಿನ್ನಿಮಿಲ್, ಬುಲ್ ಟೆಂಪಲ್, ರಾಮಕೃಷ್ಣ ಆಶ್ರಮ ರಸ್ತೆಗಳಲ್ಲಿ ಮೋದಿ ರೋಡ್​ ಶೋ ನಡೆಯಿತು. ಈ ಹಿನ್ನೆಲೆಯಲ್ಲಿ ಬದಲಿ ಮಾರ್ಗ ಬಳಸಲು ಸೂಚನೆ ನೀಡಲಾಗಿತ್ತು.. ಅಂತೆಯೇ ಚಾಮರಾಜಪೇಟೆ ಮುಖ್ಯರಸ್ತೆ, ಬಾಳೆಕಾಯಿ ಮಂಡಿ, ಕೆ.ಪಿ.ಅಗ್ರಹಾರ, ಮಾಗಡಿ ರಸ್ತೆ, ಚೋಳರಪಾಳ್ಯ, ಎಂ.ಸಿ.ವೃತ್ತ, ಬಿಜಿಎಸ್ ಮೈದಾನ, ಬಸವೇಶ್ವರ ನಗರ, ಶಂಕರಮಠ, ಮೋದಿ ಆಸ್ಪತ್ರೆ, ನವರಂಗ್​​​​​ಮಲ್ಲೇಶ್ವರ ಸರ್ಕಲ್ ರಸ್ತೆ ಬದಲಿಗೆ ಬೇರೆ ಪರ್ಯಾಯ ಮಾರ್ಗ ಬಳಸಲು ಸೂಚನೆ ನೀಡಲಾಗಿತ್ತು.