ಸಿನಿಮಾಗಳಲ್ಲಿ ಬಿಝಿಯಾಗಿರುವ ನಟ ಶಿವರಾಜ್ ಕುಮಾರ್ ವೆಬ್ ಸೀರಿಸ್‌ನಲ್ಲಿ ನಟಿಸಲಿದ್ದಾರೆ. ಅದು ಅವರ ಮಗಳ ನಿರ್ಮಾಣದ ವೆಬ್ ಸೀರಿಸ್‌ನಲ್ಲಿ.
ಇತ್ತೀಚೆಗೆ ಈ ಕುರಿತು ಮಾತನಾಡಿರುವ ಶಿವಣ್ಣ, “ನಾನು ಒಂದು ವೆಬ್ ಸೀರಿಸ್‌ನಲ್ಲಿ ನಟಿಸಲಿದ್ದೇನೆ.
ಅದು ನನ್ನ ಮಗಳ ನಿರ್ಮಾಣದಲ್ಲಿ. ಕೋವಿಡ್‌ ಸಮಯದಲ್ಲಿ ಮನೆಯಲಿದ್ದಾಗ ತುಂಬಾ ವೆಬ್ ಸೀರಿಸ್‌ಗಳನ್ನು ನೋಡಿದೆ. ಒಂದಕ್ಕಿಂತ ಒಂದು ವಿಭಿನ್ನವಾಗಿತ್ತು. ಈ ತರಹನೂ ಮಾಡಬಹುದಲ್ಲ ಎಂಬ ಆಲೋಚನೆ ಬರುವಂತಹ ಕಥಾಹಂದರ ನೋಡಿ ಖುಷಿಯಾಯಿತು. ಈಗ ನನಗೂ ವೆಬ್ ಸೀರಿಸ್‌ನಲ್ಲಿ ನಟಿಸುವ ಮನಸ್ಸಾಗಿದೆ. ಸಿನಿಮಾಗಳ ಬಿಡುವಿನ ವೇಳೆಯಲ್ಲಿ ವೆಬ್ ಸೀರಿಸ್ ಮಾಡಬೇಕೆಂದಿದ್ದು, ಆ ಕುರಿತು ಚರ್ಚೆಯಾಗುತ್ತಿದೆ’ ಎಂದಿದ್ದಾರೆ.
ಸದ್ಯ ಶಿವರಾಜ್‌ಕುಮಾರ್‌ ನಟನೆಯ “ಬೈರಾಗಿ’ ಚಿತ್ರ ಬಿಡುಗಡೆಯ ಹಂತಕ್ಕೆ ಬಂದಿದ್ದು, ಅವರದೇ ನಿರ್ಮಾಣದ “ವೇದ’ ಚಿತ್ರದ ಚಿತ್ರೀಕರಣ ನಡೆಯುತ್ತಿದೆ.