ಸಕ್ಸಸ್ ಆಯ್ತು ಸ್ವದೇಶೀ ದೀಪಾವಳಿ ಸೂತ್ರ

ನವದೆಹಲಿ: ಗಡಿಯಲ್ಲಿ ನಡೆದ ಸಂಘರ್ಷದಿಂದಾಗಿ ಚೀನಾ ವಸ್ತುಗಳನ್ನು ಭಾರತೀಯರು ಬಹಿಷ್ಕರಿಸಲು ಆರಂಬಿಸಿದ್ದರು. ಈ ದೀಪಾವಳಿಯಲ್ಲೂ ಸ್ವದೇಶೀ ವಸ್ತುಗಳ ಖರೀದಿಗಾಗಿ ಸ್ವತಃ ಪ್ರಧಾನಿ ಮೋದಿ ಕರೆ ನೀಡಿದ್ದರು. ಸ್ವದೇಶೀ ದೀಪಾವಳಿಯ ಸೂತ್ರ ಈ ಬಾರಿ ಯಶಸ್ವಿಯಾಗಿದೆ.

ದೀಪಾವಳಿಗೆ ದೇಶದಾದ್ಯಂತ 72 ಸಾವಿರ ಕೋಟಿ ವಹಿವಾಟು ನಡೆದಿದೆ ಎಂದು ವರದಿಯಾಗಿದೆ. ಚೀನಾ ವಸ್ತುಗಳನ್ನು ಬಹಿಷ್ಕರಿಸಿದ್ದರಿಂದ ಆ ದೇಶಕ್ಕೆ ಸುಮಾರು 40 ಸಾವಿರ ಕೋಟಿ ರೂ. ನಷ್ಟವಾಗಿದೆ ಎನ್ನಲಾಗಿದೆ. ನಿರೀಕ್ಷೆಗೂ ಮೀರಿ ಜನ ಸ್ವದೇಶೀ ವಸ್ತುಗಳನ್ನು ಖರೀದಿಸಿರುವುದು ಇದಕ್ಕೆ ಕಾರಣ. ಲಾಕ್ ಡೌನ್ ನಿಂದಾಗಿ ಹಳ್ಳ ಹಿಡಿದಿರುವ ಅರ್ಥ ವ್ಯವಸ್ಥೆ ಚೇತರಿಕೆಗೆ ಇದು ಒಳ್ಳೆಯ ಸುದ್ದಿ ಎಂದೂ ಹೇಳಬಹುದು.