ಹಳೇ ರೇಡಿಯೋ, ಟಿವಿಗೆ ಡಿಮ್ಯಾಂಡ್ : ಖೋಟಾ ನೋಟು ಜಾಲ ಪತ್ತೆ

ಖೋಟಾ  ನೋಟು ಚಲಾವಣೆ ಮಾಡುತ್ತಿದ್ದ ವ್ಯಕ್ತಿಗಳನ್ನು  ಬಂಧನ ಮಾಡಲಾಗಿದೆ.

ಹಳೆಯ  ರೇಡಿಯೋ ಮತ್ತು ಟಿ. ವಿ  ಗಳಲ್ಲಿನ  ಕೆಂಪು  ಪಾದರಸದ  ಉಪಕರಣ  ಕೊಳ್ಳುತ್ತೇವೆ  ಎಂದು   ಜನರಿಗೆ ನಂಬಿಸಿ  ಖೋಟಾ  ನೋಟು  ಚಲಾವಣೆ  ಮಾಡುತ್ತಿದ್ದ ಒಟ್ಟು  4 ಜನ ಆರೋಪಿಗಳನ್ನು  ಚಿಕ್ಕಮಗಳೂರು  ಜಿಲ್ಲೆಯ  ಅಲ್ದುರು  ಪೊಲೀಸರು  ಬಂಧಿಸಿದ್ದಾರೆ.

ಬಂಧಿತರು ಬಾಳೆಹೊನ್ನೂರು, ಅಲ್ದುರು  ಭಾಗಗಳಲ್ಲಿ ರೆಡಿಯೋ,  ಟಿ. ವಿ  ಕೊಂಡುಕೊಳ್ಳುವ  ನೆಪದಲ್ಲಿ  ನಕಲಿ  ನೋಟುಗಳನ್ನು  ನೀಡಿ  ಮೋಸ  ಮಾಡುತ್ತಿದ್ದರು  ಎಂದು  ಪೊಲೀಸರು  ತಿಳಿಸಿದ್ದಾರೆ.

ಇತ್ತೀಚೆಗೆ  ಹಳೆಯ  ರೇಡಿಯೋ ,  ಟಿ. ವಿ  ಖರೀದಿಸುವ  ನೆಪದಲ್ಲಿ  ಮೋಸದ  ಪ್ರಕರಣಗಳು  ನಡೆಯುತ್ತಿದ್ದು ಸಾರ್ವಜನಿಕರು  ಈ  ಜಾಲದ  ಬಗ್ಗೆ ಎಚ್ಚರಿಕೆಯಿಂದ  ಇರುವಂತೆ  ಪೊಲೀಸರು  ಮನವಿ  ಮಾಡಿದ್ದಾರೆ.