6 ತಿಂಗಳ ಹೆಣ್ಣು ಮಗುವಿಗೆ ಕೊರೊನಾ ವೈರಸ್

ಮುಂಬೈನಿಂದ ವಲಸೆ ಬಂದ 6 ತಿಂಗಳ ಹೆಣ್ಣು‌ ಮಗು ಸೇರಿದಂತೆ‌ ಒಟ್ಟು ಆರು ಜನರಲ್ಲಿ ಕೊರೊನಾ ಸೋಂಕು‌ ಪತ್ತೆಯಾಗಿದೆ.

ಇದರಲ್ಲಿ ಮುಂಬೈ ಪ್ರವಾಸ ಹಿನ್ನೆಲೆಯ 24 ವರ್ಷದ ಯುವತಿ (ರೋಗಿ ಸಂಖ್ಯೆ-1187) ಇವರು ಯಾದಗಿರಿ ಜಿಲ್ಲೆಯವರಾಗಿದ್ದು, ಪ್ರಸ್ತುತ ಕಲಬುರಗಿ ಅಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಮುಂಬೈ ಪ್ರವಾಸ ಹಿನ್ನೆಲೆಯಿಂದ ಕಲಬುರಗಿ ನಗರದ ಶಹಾಬಜಾರ್ ತಾಂಡಾ‌ ಮೂಲದ‌ 22 ವರ್ಷದ ಮಹಿಳೆ (P-1194) ಮತ್ತು 24 ವರ್ಷದ ಮಹಿಳೆಗೆ (P-1195) ಕೋವಿಡ್-19 ಸೋಂಕು ಕಂಡುಬಂದಿದೆ. ಇದಲ್ಲದೆ ಕಾಳಗಿ ತಾಲೂಕಿನ ಅರಣಕಲ್‌ ಗ್ರಾಮದ ಬಳಿಯ ಬುಗಡಿ ತಾಂಡಾ‌ ಮೂಲದ 29 ವರ್ಷದ ಯುವಕ (P-1196),  27 ವರ್ಷದ ಮಹಿಳೆ (P-1197) ಹಾಗೂ 6 ತಿಂಗಳ ಹೆಣ್ಣು ಮಗುವಿಗೆ (P-1198) ಕೋವಿಡ್-19 ಸೋಂಕು ತಗುಲಿದೆ.

ಮುಂಬೈ ಪ್ರವಾಸ ಹಿನ್ನೆಲೆಯ ಎಲ್ಲಾ ಕೊರೋನಾ ಸೋಂಕಿತರನ್ನು ಕ್ವಾರಂಟೈನ್ ಸೆಂಟರ್‌ನಿಂದ ಕೋವಿಡ್-19 ಆಸ್ಪತ್ರೆಗೆ ಈಗಾಗಲೇ ದಾಖಲಿಸಲಾಗಿದೆ.