BF.7 ವೈರಸ್​ ಸೋಂಕಿತರು ಚೇತರಿಕೆ

ಚೀನಾದಲ್ಲಿ ಕೊರೋನಾ ರೂಪಾಂತರ ವೈರಸ್​​​ ಪತ್ತೆಯಾಗಿದ್ದು, BF.7 ವೈರಸ್​ ರೂಪಾಂತರಿ ತಳಿ ಕೇಸ್​​ ಭಾರತದಲ್ಲೂ ಪತ್ತೆಯಾಗಿತ್ತು. ಇದೀಗ BF.7 ವೈರಸ್​ ಸೋಂಕಿಗೆ ತುತ್ತಾಗಿದ್ದ ರೋಗಿಗಳು ಚೇತರಿಕೆ ಕಾಣ್ತಿದ್ದಾರೆ. ಸೋಂಕಿತರು ಗುಣಮುಖರಾಗುತ್ತಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವ ಮನ್ಸ್​​​ಖ್​​ ಮಾಂಡವೀಯ ಹೇಳಿದ್ದಾರೆ. ಇಬ್ಬರು ಸೋಂಕಿತರಿಗೆ ಗುಜರಾತ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗ್ತಿದೆ. ಚೀನಾಗಿಂತ  ಭಾರತದ ಸ್ಥಿತಿ ಭಿನ್ನವಾಗಿದೆ. ಭಾರತಕ್ಕೆ ಬೂಸ್ಟರ್ ಡೋಸ್​ ಶಕ್ತಿ ತುಂಬಿದೆ. ಕಳೆದ ವಾರದಿಂದ ಬೂಸ್ಟರ್ ಡೋಸ್​ ನೀಡಿಕೆಯಲ್ಲಿ ಹೆಚ್ಚಳವಾಗಿದೆ. ಚೀನಾದಲ್ಲಿ ವ್ಯಾಕ್ಸಿನ್ ಪರಿಣಾಮಕಾರಿಯಾಗಿಲ್ಲ. ಜನರಲ್ಲಿ ಇಮ್ಯುನಿಟಿಯೂ ಕಡಿಮೆ ಇದೆ. ವಯೋವೃದ್ಧರು ಲಸಿಕೆ ಪಡೆದಿಲ್ಲ. ಆದರೆ ಭಾರತದಲ್ಲಿ 220 ಕೋಟಿ ವ್ಯಾಕ್ಸಿನ್ ನೀಡಲಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವೀಯ ಹೇಳಿದ್ದಾರೆ.