ಬೆಂಗಳೂರು: ನಿರ್ದೇಶಕ ರಿಷಬ್ ಶೆಟ್ಟಿ ಈಗ ರುದ್ರಪ್ರಯಾಗ ಸಿನಿಮಾ ನಿರ್ದೇಶನ ಕೆಲಸದಲ್ಲಿ ಬ್ಯುಸಿಯಾಗಿದ್ದಾರೆ. ಕಾಡು ಮೇಡುಗಳಲ್ಲಿ ಸುತ್ತಿ ತಮ್ಮ ಕತೆಗೆ ತಕ್ಕ ಲೊಕೇಷನ್ ಹುಡುಕಿಕೊಂಡಿದ್ದಾರೆ.
ಅಂದ ಹಾಗೆ ಈ ರುದ್ರ ಪ್ರಯಾಗ ಸಿನಿಮಾ ಕತೆ ರಿಷಬ್ ಶೆಟ್ಟಿ ಮಾಡಿಟ್ಟುಕೊಂಡಿದ್ದು ತಮ್ಮ 10 ನೇ ತರಗತಿಯಲ್ಲಿ ಅಂತೆ! ಅಂತೂ 10 ನೇ ಕ್ಲಾಸ್ ಕನಸಿಗೆ ಈಗ ಹೊಸ ಜೀವ ಕೊಡುತ್ತಿದ್ದಾರೆ ರಿಷಬ್.
ಆಗ ಇದು ಏಕಪಾತ್ರ ಕತೆಯಾಗಿತ್ತು. ಈಗ ಇದಕ್ಕೆ ತಮ್ಮದೇ ಕಲ್ಪನೆಯಲ್ಲಿ ಮತ್ತಷ್ಟು ಹೊಸ ಪಾತ್ರಗಳನ್ನು ಸೃಷ್ಟಿಸಿ ಹೊಸದಾಗಿ ಕತೆ ಹೆಣೆದಿದ್ದಾರಂತೆ. ಇದು ಒಂದು ರೀತಿಯಲ್ಲಿ ರಿಷಬ್ ರ ಬಹುದಿನಗಳ ಕನಸು. ಅವರು ಹೇಳುವ ರೀತಿ ನೋಡಿದರೆ ಇದು ಮತ್ತೊಂದು ಮೈಲಿಗಲ್ಲು ಸೃಷ್ಟಿಸುವ ಸಿನಿಮಾವಾಗುವುದರಲ್ಲಿ ಸಂಶಯವಿಲ್ಲ.
