ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಹಾಡಿರೋ ನೀನೇ ನನ್ನ ಫಸ್ಟ್ ಗರ್ಲ್‌ಫ್ರೆಂಡ್ ಹಾಡಿನ ಚಿಕ್ಕ ವೀಡಿಯೊವನ್ನು ಇನ್ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇವರಿಬ್ಬರ ಮುದ್ದಾದ ವೀಡಿಯೊವನ್ನು ನೋಡಿ ಎಲ್ಲರೂ ಕ್ಯೂಟ್ ಅಂತಿದ್ದಾರೆ.
ಬಿಗ್‌ಬಾಸ್‌ನಲ್ಲಿ ಪ್ರಾರಂಭವಾದ ಇವರಿಬ್ಬರ ಸ್ನೇಹ ಅಲ್ಲಿಂದ ಹೊರಬಂದ ನಂತರವೂ ಮುಂದುವರೆದಿದೆ. ಬಿಗ್‌ಬಾಸ್‌ನಲ್ಲಿ ಇದ್ದಾಗಲೇ ಚಂದನ್ ನಿವೇದಿತಾಗಾಗಿ ಗೊಂಬೆ ಗೊಂಬೆ ಹಾಡನ್ನು ಅಲ್ಲೇ ಕಂಪೋಸ್ ಮಾಡಿ ಹಾಡಿದ್ದರು. ಆ ಹಾಡನ್ನು ಚಿತ್ರೀಕರಿಸುವುದಾಗಿಯೂ ಹೇಳಿದ್ದರು. ಆದರೆ ಈಗ ವೈರಲ್ ಆಗಿರುವ ವೀಡಿಯೊದಲ್ಲಿರುವ ಹಾಡೇ ಬೇರೆ. ಈ ಹಾಡಿನಲ್ಲಿ ನಿವೇದಿತಾ ಸಹ ಹಾಡಿದ್ದು ಇಬ್ಬರೂ 'ನೀನೇ ನನ್ನ ಫಸ್ಟ್ ಗರ್ಲ್‌ಫ್ರೆಂಡ್, ನೀನೇ ನನ್ನ ಫಸ್ಟ್ ಬಾಯ್‌ಫ್ರೆಂಡ್' ಅಂತಿದಾರೆ.
ಬಿಗ್‌ಬಾಸ್‌ನಲ್ಲಿ ನಿವೇದಿತಾ ಕನ್ನಡವನ್ನು ಮಾತನಾಡುವ ರೀತಿಗೇ ಹಲವು ಅಭಿಮಾನಿಗಳಿದ್ದರು. ಈಗ ಈ ಹಾಡಿನಲ್ಲಿಯೂ ಸಹ ನಿವಿ ಅದೇ ರೀತಿಯಲ್ಲಿ ಹಾಡಿದ್ದು ತುಂಬಾ ಮುದ್ದಾಗಿದೆ. ಪೂರ್ಣ ಹಾಡು ಬಿಡುಗಡೆಯಾದರೆ ಕರ್ನಾಟಕದ ಎಲ್ಲಾ ಯುವಕ ಯುವತಿಯರ ಬಾಯಲ್ಲೂ ಈ ಹಾಡೇ ಇರುವುದರಲ್ಲಿ ಯಾವುದೇ ಸಂಶಯವಿಲ್ಲ ಎನ್ನಬಹುದು.
