ಬೆಂಗಳೂರು: ಬಿಗ್ ಬಾಸ್ ಮನೆಯಲ್ಲಿ ನಿನ್ನೆ ಮನೆಯ ಸದಸ್ಯರು ಎಷ್ಟು ಮಕ್ಕಳು ಬೇಕು ಎನ್ನುವ ಬಗ್ಗೆ ತಮಾಷೆಯಾಗಿ ಮಾತನಾಡುತ್ತಿದ್ದರು.
ಮಯೂರಿ ತಮ್ಮ ಮಗನ ಬಗ್ಗೆ ಹೇಳುತ್ತಾ ನನಗೆ ಒಂದಕ್ಕೇ ಸಾಕಾಗಿದೆ. ನನಗೆ ಒಂದೇ ಮಗು ಸಾಕು ಎಂದು ದೃಢವಾಗಿದ್ದೇನೆ. ಎಲ್ಲರೂ ಹೇಳ್ತಾರೆ ಒಂದು ಮಗು ದೊಡ್ಡದಾದ ಮೇಲೆ ಇನ್ನೊಂದು ಬೇಕು ಅನಿಸುತ್ತೆ. ಆದ್ರೆ ನಾನು ಕನ್ ಫರ್ಮ್ ಆಗಿದ್ದೀನಿ ಎಂದರು.
ಇದಕ್ಕೆ ಪಕ್ಕದಲ್ಲೇ ಕೂತಿದ್ದ ಅರುಣ್ ಸಾಗರ್ ಮಯೂರಿ ಕಾಲೆಳೆದಿದ್ದು, ಬಿಗ್ ಬಾಸ್ ಮನೆಯಿಂದ ಹೋದ ಮೇಲೆ ಇನ್ನೊಂದು ಮಗುವಿಗೆ ಪ್ಲ್ಯಾನ್ ಮಾಡಿ. ನಮ್ಮ ಅಜ್ಜಿ ಎಲ್ಲಾ ಏಳು-ಎಂಟು ಹೆತ್ತಿದ್ದರು ಎಂದು ತಮಾಷೆ ಮಾಡುತ್ತಾರೆ. ಇದಕ್ಕೆ ನೇಹಾ ಗೌಡ ಕೂಡಾ ಧ‍್ವನಿಗೂಡಿಸುತ್ತಾರೆ. ನಮ್ಮ ಅಜ್ಜಿಯೂ ಏಳು ಹೆತ್ತಿದ್ದರು ಎಂದು. ಈ ರೀತಿ ಮನೆ ಮಂದಿಯೆಲ್ಲಾ ಕೂತು ಮಕ್ಕಳ ಬಗ್ಗೆ ಗಂಭೀರವಾದ ಚರ್ಚೆಯನ್ನೇ ಮಾಡುತ್ತಿದ್ದರು.
