ಬೆಂಗಳೂರು: ಬಿಗ್ ಬಾಸ್ ಮೊದಲನೇ ಸೀಸನ್ ನಲ್ಲಿ ರನ್ನರ್ ಅಪ್ ಆಗಿದ್ದ ಅರುಣ್ ಸಾಗರ್ ಇದೀಗ ಬಿಗ್ ಬಾಸ್ ಕನ್ನಡ 9 ನೇ ಸೀಸನ್ ನಲ್ಲಿಯೂ ಪ್ರವೀಣರಾಗಿ ಮನೆಯೊಳಗೆ ಪ್ರವೇಶಿಸಿದ್ದಾರೆ.
ಅರುಣ್ ಸಾಗರ್ ಮೊದಲ ಸೀಸನ್ ನಲ್ಲಿಯೇ ವೀಕ್ಷಕರಿಗೆ ಭರ್ಜರಿ ಮನರಂಜನೆ ಒದಗಿಸಿದ್ದರು. ಅವರು ಗೆಲ್ಲಬಹುದು ಎಂಬುದು ಹಲವರ ಲೆಕ್ಕಾಚಾರವಾಗಿತ್ತು. ಆದರೆ ಕೊನೆಯ ಕ್ಷಣದಲ್ಲಿ ವಿಜಯ್ ರಾಘವೇಂದ್ರ ಗೆದ್ದರು.
ಇದೀಗ ಮನೆಯೊಳಗೆ ಪ್ರವೇಶಿಸಿರುವ ಮೊದಲನೇ ದಿನದಿಂದಲೂ ಅರುಣ್ ಸಾಗರ್ ಹಿರಿಯಣ್ಣನಂತೆ ನವಾಜ್ ಗೆ ಬುದ್ಧಿ ಹೇಳುತ್ತಾ, ಹಾಡು, ತಮಾಷೆ, ಡ್ರಾಮಾ ಮೂಲಕ ವೀಕ್ಷಕರು, ಮನೆಯವರಿಗೂ ಮನರಂಜನೆ ಒದಗಿಸುತ್ತಿದ್ದಾರೆ. ಇದನ್ನು ನೋಡಿ ನೆಟ್ಟಿಗರು ಈ ಶೋನಲ್ಲಿ ಟ್ರೂ ಎಂಟರ್ ಟೈನರ್ ಎಂದರೆ ಅರುಣ್ ಸಾಗರ್ ಎನ್ನುತ್ತಿದ್ದಾರೆ. ಅದಕ್ಕೆ ತಕ್ಕಂತೆ ಮನೆಯವರೂ ಅವರ ಬಗ್ಗೆ ಒಲವು ಹೊಂದಿದ್ದಾರೆ.
