ಪತಿಯ ಜೊತೆ ಹೊಸ ಬುಸಿನೆಸ್ ಶುರು ಮಾಡಿದ ನಟಿ ಕಾಜಲ್

ಹೈದರಾಬಾದ್ : ನವೆಂಬರ್ ನಲ್ಲಿ ಉದ್ಯಮಿ ಗೌತಮ್ ಕಿಚ್ಲು ಅವರನ್ನು ಮದುವೆಯಾದ ನಟಿ ಕಾಜಲ್ ಅಗರ್ವಾಲ್ ಅವರು ಮದುವೆಯ ಬಳಿಕವೂ ನಟನೆಯಲ್ಲಿ ಮುಂದುವರಿಯುವುದಾಗಿ ಹೇಳಿ ಇದೀಗ ಉದ್ಯಮಿಯಾಗಿದ್ದಾರೆ ಎನ್ನಲಾಗಿದೆ.

ಹೌದು. ನಟಿ ಕಾಜಲ್ ತಮ್ಮ ಪತಿ ಗೌತಮ್ ಅವರೊಂದಿಗೆ ಇಂಟೀರಿಯರ್ ಡಿಸೈನರ್ ಆಗಿ ಹೊಸ ವ್ಯವಹಾರ ಪ್ರಾರಂಭಿಸಿದ್ದಾರೆ. ಕಾಜಲ್ ಮತ್ತು ಗೌತಮ್ ಕಿಚ್ಲು ‘ಕಿಚ್ಡ್’ ಎಂಬ ಮನೆ ಅಲಂಕಾರಿಕ ಬ್ರಾಂಡ್ ನ್ನು ಬಿಡುಗಡೆ ಮಾಡಿದ್ದಾರೆ. ಈ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಬಹಿರಂಗಪಡಿಸಿದ್ದಾರೆ.

“ಗೌತಮ್ ಜೊತೆ ಮನೆ ಅಲಂಕಾರಿಕ ಬ್ರಾಂಡ್ ಕಿಚ್ಡ್ ನ್ನು ಪ್ರಾರಂಭಿಸಲು ನನಗೆ ಸಂತೋಷವಾಗಿದೆ.  ಈ ಬ್ರಾಂಡ್ ನಮ್ಮಿಬ್ಬರ ಪ್ರೀತಿಯಿಂದ ಹುಟ್ಟಿದೆ. ನಮ್ಮ ಉದ್ದೇಶ ನಿಮ್ಮ ಮನೆಯ ಸೌಂದರ್ಯನ್ನು ನಿಮ್ಮ ಇಚ್ಚೆಯಂತೆ ಹೆಚ್ಚಿಸಲು ನಿಮ್ಮನ್ನು ತೃಪ್ತಿಪಡಿಸುವಂತಹ ಉತ್ಪನ್ನಗಳನ್ನು ನೀಡುವುದು.  ನಿಮ್ಮೆಲ್ಲರ ಬೆಂಬಲ ನಮಗಿದೆ ಎಂದು ನಾನು ಭಾವಿಸುತ್ತೇನೆ ಎಂದು ನಟಿ ಕಾಜಲ್ ಪೋಸ್ಟ್ ಮಾಡಿದ್ದಾರೆ.