ಕ್ಯಾಲಿಫೋರ್ನಿಯಾ : ಆಸ್ಪತ್ರೆಗೆ ದಾಖಲಾದ ರೋಗಿಯೊಬ್ಬ ಕೆಮ್ಮುವಾಗ ಬಾಯಿಂದ ಹೊರಗೆ ಬಂದ ಈ ವಸ್ತು ಏನು ಎಂದು ತಿಳಿದರೆ ನೀವು ಶಾಕ್ ಆಗ್ತೀರಾ.
ಹೌದು. ಹೃದಯಾಘಾತವಾದ ಹಿನ್ನೆಲೆಯಲ್ಲಿ ವ್ಯಕ್ತಿಯೊಬ್ಬನನ್ನು ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾನಿಲಯದ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ವ್ಯಕ್ತಿಗೆ ಚಿಕಿತ್ಸೆ ನೀಡುವ ವೇಳೆ ವೈದ್ಯರ ತಂಡ ಆತನ ದೇಹದಲ್ಲಿ ರಕ್ತ ಹೆಪ್ಪುಗಟ್ಟಿ ವಿಚಿತ್ರ ಆಕಾರ ಪಡೆಯುತ್ತಿದೆ ಎಂಬುದನ್ನು ಪತ್ತೆ ಹಚ್ಚಿದ್ದಾರೆ.
ಈ ಹೆಪ್ಪುಗಟ್ಟಿದ ರಕ್ತ ಆತ ಕೆಮ್ಮುವಾಗ ಬಾಯಿಂದ ಹೊರಗೆ ಬಂದಿತ್ತು. ಅಲ್ಲದೇ ಚಿಕಿತ್ಸೆ ವೇಳೆ ರೋಗಿ ಸಾವನ್ನಪ್ಪಿದ್ದಾನೆ. ಆದರೆ ರೋಗಿಯ ಬಾಯಿಂದ ಹೊರಗೆ ಬಂದಿರುವ ಮರದಂತೆ ಕಾಣುವ ಹೆಪ್ಪುಗಟ್ಟಿದ ರಕ್ತ ನೋಡಿ ವೈದ್ಯರು ದಂಗಾಗಿದ್ದಾರೆ. ಅದರ ಉದ್ದ ಸುಮಾರು 6 ಇಂಚಿತ್ತಂತೆ, ನೋಡಲು ಶ್ವಾಸನಾಳದ ಮರದಂತೆ ಕಾಣುತ್ತಿದ್ದ ಅದರ ಫೋಟೋ ತೆಗೆದು ವೈದ್ಯರು ಸಾಮಾಜಿಕ ಜಾಲತಾಣಕ್ಕೆ ಹಾಕಿದ್ದು, ಈ ಫೋಟೋ ಇದೀಗ ವೈರಲ್ ಆಗ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.