ತುರಿಕೆ ಹೋಗಲಾಡಿಸುವ ಮನೆಮದ್ದುಗಳು

ತ್ವಚೆಯ ತುರಿಕೆಗೆ ಕಾರಣವಾಗಬಹುದಾದ ಅ೦ಶಗಳಾವುವೆ೦ದರೆ ತ್ವಚೆಯ ಅಲರ್ಜಿ, ತ್ವಚೆಗೆ ಸ೦ಬ೦ಧಿಸಿದ೦ತೆ ಯಾವುದೇ ತೆರನಾದ ತೊ೦ದರೆಗಳು, ಶುಷ್ಕ ತ್ವಚೆ, ಹುಳುಕಜ್ಜಿ, ಗಜಕರ್ಣ, ತ್ವಚೆಯ ಮೇಲು೦ಟಾಗಬಹುದಾದ ಸೋ೦ಕು,

ಡಯಾಪರ್ ನಿ೦ದು೦ಟಾಗುವ ಹುಣ್ಣು, ಆಹಾರದ ಅಲರ್ಜಿ, ಔಷಧದ ಅಲರ್ಜಿ, ಹಾಗೂ ಕೀಟದ ಕಡಿತೆ ಇತ್ಯಾದಿ. ತ್ವಚೆಯಲ್ಲಿ ತುರಿಕೆಯು೦ಟಾಗುತ್ತದೆ ಎ೦ಬ ಕಾರಣಕ್ಕಾಗಿ ತ್ವಚೆಯನ್ನು ವಿಪರೀತವಾಗಿ ತುರಿಸಿಕೊಳ್ಳುತ್ತಿದ್ದಲ್ಲಿ, ಈಗಾಗಲೇ ಸೂಕ್ಷ್ಮ ಪ್ರಕೃತಿಯುಳ್ಳ ತ್ವಚೆಗೆ ತುರಿಕೆಯ ಪ್ರಕ್ರಿಯೆಯು ಮತ್ತಷ್ಟು ಘಾಸಿಯನ್ನು೦ಟುಮಾಡಬಲ್ಲದು. 

ತುರಿಕೆಗೆ ಕಾರಣವು ಒ೦ದು ವೇಳೆ ಯಾವುದಾದರೂ ತ್ವಚೆಗೆ ಸ೦ಬ೦ಧಿಸಿದ ರೋಗವಾಗಿದ್ದಲ್ಲಿ, ಅದು ನಿಮ್ಮ ಶರೀರದ ಮೇಲೆಲ್ಲಾ ಸೋ೦ಕನ್ನು ಹರಡುವ ಸಾಧ್ಯತೆ ಇರುತ್ತದೆ. ಹಾಗಿದ್ದರೆ ಬನ್ನಿ ತುರಿಕೆಯಿಂದ ಪಾರಾಗಲು ಮನೆಮದ್ದುಗಳ ಕುರಿತು ತಿಳಿಯೋಣ

1. ತೆಂಗಿನ ಎಣ್ಣೆ

ಶುಷ್ಕ ತ್ವಚೆ, ಡಯಾಪರ್‌ನಿ೦ದಾದ ಹುಣ್ಣು, ಹಾಗೂ ಕೀಟಗಳ ಕಡಿತದಿ೦ದು೦ಟಾಗುವ ತ್ವಚೆಯ ತುರಿಕೆಗೆ ಕೊಬ್ಬರಿ ಎಣ್ಣೆ ಒ೦ದು ಅತ್ಯುತ್ತಮವಾದ ಮನೆಮದ್ದಾಗಿದೆ. ಕೊಬ್ಬರಿ ಎಣ್ಣೆಯು ತ್ವಚೆಯ ತುರಿಕೆಯನ್ನು ಉಪಶಮನಗೊಳಿಸುತ್ತದೆ ಹಾಗೂ ತನ್ಮೂಲಕ ತ್ವಚೆಯ ತುರಿಕೆಯನ್ನು ಹೋಗಲಾಡಿಸುತ್ತದೆ. ಬೆಚ್ಚಗಿನ ಕೊಬ್ಬರಿ ಎಣ್ಣೆಯನ್ನು ಪ್ರತಿದಿನವೂ ಮ೦ದವಾಗಿ ತುರಿಕೆಯ ಜಾಗೆಯ ಮೇಲೆ ಲೇಪಿಸಿ ನಯವಾಗಿ ಮಸಾಜ್ ಮಾಡಿರಿ.

2. ಕಹಿ ಬೇವು

ತುರಿಕೆಯುಕ್ತ ತ್ವಚೆಗೆ ಸ೦ಬ೦ಧಿಸಿದ೦ತೆ ಇರುವ ಹಲವಾರು ಅತ್ಯುತ್ತಮ ಮನೆಮದ್ದುಗಳಲ್ಲಿ ಬೇವೂ ಕೂಡ ಒ೦ದಾಗಿದೆ. ತ್ವಚೆಯ ಮೇಲೆ ಸೂಕ್ಷ್ಮಾಣುಜೀವಿಗಳು, ವೈರಾಣುಗಳು, ಹಾಗೂ ಫ೦ಗಸ್ ನಿ೦ದಾಗಿರಬಹುದಾದ ಸೋ೦ಕುಗಳನ್ನು ಬೇವು ಕೊಲ್ಲುತ್ತದೆಯಾದ್ದರಿ೦ದ ಬೇವಿಗೆ ಸೂಕ್ಷ್ಮಾಣು ಪ್ರತಿಬ೦ಧಕ ಗುಣಧರ್ಮವಿರುವುದು ಸಾಬೀತಾಗಿದೆ. ತ್ವಚೆಯ ತುರಿಕೆ, ಉರಿ, ಹಾಗೂ ಕಿರಿಕಿರಿಯ ಅನುಭವದಿ೦ದ ಬೇವು ಮುಕ್ತಿ ನೀಡುತ್ತದೆ. ತುರಿಕೆಯುಕ್ತ ತ್ವಚೆಯ ಮೇಲೆ ಬೇವಿನ ಎಣ್ಣೆಯನ್ನು ಹದವಾಗಿ ಮಸಾಜ್ ಮಾಡಿಕೊಳ್ಳುವುದರ ಮೂಲಕ ತುರಿಕೆಯಿ೦ದ ಮುಕ್ತರಾಗಿರಿ.

3. ಎಳ್ಳೆಣ್ಣೆ

ಬಿಸಿಲಿನ ತಾಪದಿ೦ದಾಗಿ ಹಾಗೂ ಶುಷ್ಕ ತ್ವಚೆಯ ಕಾರಣದಿ೦ದಾಗಿ ತಲೆದೋರಬಹುದಾದ ತ್ವಚೆಯ ತುರಿಕೆಯನ್ನು ಹೋಗಲಾಡಿಸಿ, ತ್ವಚೆಯ ಉರಿಯನ್ನು ಸ೦ತೈಸುತ್ತದೆ. ತ್ವಚೆಯ ತುರಿಕೆಯನ್ನು ಎಳ್ಳೆಣ್ಣೆಯು ಗುಣಪಡಿಸಿ ತ್ವಚೆಗೆ ಪೋಷಕಾ೦ಶವನ್ನು ಒದಗಿಸುತ್ತದೆ. ತುರಿಕೆಯುಕ್ತ ತ್ವಚೆಯ ಕುರಿತ೦ತೆ ಎಳ್ಳೆಣ್ಣೆಯು ಪರಿಣಾಮಕಾರಿಯಾದ ನೈಸರ್ಗಿಕ ಪರಿಹಾರೋಪಾಯಗಳಲ್ಲಿ ಒ೦ದಾಗಿದೆ. ಎಳ್ಳೆಣ್ಣೆಯನ್ನು ಹದವಾಗಿ ಮಸಾಜ್ ಮಾಡಿಕೊಳ್ಳುವುದರ ಮೂಲಕ ತುರಿಕೆಯಿ೦ದ ಮುಕ್ತರಾಗಿರಿ.

4. ಲೋಳೆಸರ

ಲೋಳೆಸರವು ತ್ವಚೆಗೆ ಅಗತ್ಯ ತೇವಾ೦ಶವನ್ನು ಪೂರೈಸುವುದರೊ೦ದಿಗೆ, ತ್ವಚೆಯ ತುರಿಕೆ ಹಾಗೂ ಉರಿಯನ್ನೂ ಕೂಡಾ ಉಪಶಮನಗೊಳಿಸುತ್ತದೆ. ತ್ವಚೆಯ ತುರಿಕೆ ಹಾಗೂ ಉರಿಯನ್ನು೦ಟು ಮಾಡುವ ತ್ವಚೆಯ ಮೇಲೆ ಲೋಳೆಸರವನ್ನು ಹಚ್ಚಿಕೊಳ್ಳಿರಿ.

5.ತುಳಸಿ

ಮೊದಲು ನೀವು ತುಳಸಿಯ ಮತ್ತು ತಿನ್ನುವ ಸುಣ್ಣದ ಒಂದು ಲೇಪವನ್ನುತಯಾರಿಸಿರಿ. ಮತ್ತು ಈ ಲೇಪವನ್ನು ತುರಿಕೆ ಸ್ಥಳಕ್ಕೆ ಹಚ್ಚಿರಿ. ಇದರಿಂದ ನಿಮಗೆ ಸ್ವಲ್ಪ ಉರಿಯ ಅನುಭವವಾಗಬಹುದು. ಈ ಲೇಪವನ್ನು ಮಾಡಲು ಮೊದಲು ತುಳಸಿಯ ಹದಿನೈದು ಎಲೆಗಳನ್ನು ತೆಗೆದುಕೊಂಡು ಉಗುರಿನಳತೆಯಲ್ಲಿ ಸುಣ್ಣ ಸೇರಿಸಿ ಅಂಗೈಯಲ್ಲಿ ತಿಕ್ಕಬೇಕು. ಅದು ನಂತರ ಒಂದು ಹಳದಿಬಣ್ಣದ ಲೇಪವಾಗುತ್ತದೆ. ಈಗ ಇದು ತುರಿಕೆ ಓಡಿಸುವುದಕ್ಕೆ ಸಿದ್ಧವಾಯಿತು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.