ನೀಟ್ ಇಲ್ಲದೆಯೂ ಈ ವರ್ಷ ಓದಬಹುದಾದ ಮೆಡಿಕಲ್ ಕೋರ್ಸ್ ಗಳು: ಪಿಯುಸಿ ವಿದ್ಯಾರ್ಥಿಗಳಿಗೆ ಉಪಯುಕ್ತ ಮಾಹಿತಿ ಇಲ್ಲಿದೆ

ಬೆಂಗಳೂರು: ಎಷ್ಟೋ ಪೋಷಕರು, ವಿದ್ಯಾರ್ಥಿಗಳು ಈ ವರ್ಷ ನೀಟ್ ಪರೀಕ್ಷೆಯ ಗೊಂದಲದಿಂದ ಬೇಸತ್ತು ಹೋಗಿದ್ದಾರೆ. ನೀಟ್ ಇಲ್ಲದೆಯೂ ಕೇವಲ 12 ನೇ ತರಗತಿಯ ಅಂಕದ ಆಧಾರದಲ್ಲಿ ನೀವು ಈ ವರ್ಷ ಓದಬಹುದಾದ ಮೆಡಿಕಲ್ ಸಂಬಂಧಿತ ಕೋರ್ಸ್ ಗಳು ಯಾವುವು ನೋಡಿ.

ಎಂಬಿಬಿಎಸ್, ಡೆಂಟಲ್, ಆಯುರ್ವೇದಿಕ್ ಮೆಡಿಸಿನ್, ಪಶು ವೈದ್ಯಕೀಯ ಕೋರ್ಸ್ ಗಳಿಗೆ ಅಗತ್ಯವಾಗಿ ನೀಟ್ ಬೇಕಾಗುತ್ತದೆ. ಆದರೆ ಈ ವರ್ಷದ ಮಟ್ಟಿಗೆ ಈ ಕೆಲವು ಕೋರ್ಸ್ ಗಳಿಗೆ ನೀಟ್ ಬೇಕಾಗುವುದಿಲ್ಲ. ಆದರೆ ಮುಂದಿನ ವರ್ಷದಿಂದ ಈ ಕೋರ್ಸ್ ಗಳೂ ನೀಟ್ ವ್ಯಾಪ್ತಿಗೆ ಒಳಪಡಲಿದೆ.

ಈ ವರ್ಷ ನೀಟ್ ಬೇಕಾಗದ ಕೋರ್ಸ್ ಗಳು ಯಾವುವು
ಒಂದು ವೇಳೆ ನೀವು ನೀಟ್ ಪರೀಕ್ಷೆ ಬರೆಯದಿದ್ದರೂ ಅಥವಾ ಅದರಲ್ಲಿ ಕಡಿಮೆ ಅಂಕ ಬಂದಿದ್ದರೂ, ವೈದ್ಯಕೀಯ ರಂಗದಲ್ಲಿಯೇ ಭದ್ರವಾದ ವೃತ್ತಿಜೀವನವನ್ನು ರೂಪಿಸಿಕೊಳ್ಳಲು ಈ ಕೆಳಗಿನ ಕೋರ್ಸ್‌ಗಳು ನೆರವಾಗುತ್ತವೆ.
ಪ್ಯಾರಾಮೆಡಿಕಲ್ ಮತ್ತು ಅಲೈಡ್ ಹೆಲ್ತ್ ಸೈನ್ಸ್ (B.Sc Allied Health Sciences)
ಆಸ್ಪತ್ರೆಗಳಲ್ಲಿ ವೈದ್ಯರಷ್ಟೇ ಪ್ರಮುಖ ಪಾತ್ರವನ್ನು ತಂತ್ರಜ್ಞರು (Technicians) ವಹಿಸುತ್ತಾರೆ. ಈ ಕೋರ್ಸ್‌ಗಳ ಅವಧಿ ಸಾಮಾನ್ಯವಾಗಿ 3 ರಿಂದ 4 ವರ್ಷಗಳು.

B.Sc. Nursing: ಪ್ರಸ್ತುತ ಭಾರತ ಮಾತ್ರವಲ್ಲದೆ ವಿದೇಶಗಳಲ್ಲೂ (UK, USA, ಗಲ್ಫ್ ದೇಶಗಳು) ನರ್ಸಿಂಗ್ ಪದವೀಧರರಿಗೆ ಭಾರಿ ಬೇಡಿಕೆಯಿದೆ.

Bachelor of Physiotherapy (BPT): ಕ್ರೀಡಾಪಟುಗಳು, ಪಾರ್ಶ್ವವಾಯು ಪೀಡಿತರು ಮತ್ತು ಮೂಳೆ ಮುರಿತದ ರೋಗಿಗಳಿಗೆ ವ್ಯಾಯಾಮದ ಮೂಲಕ ಚಿಕಿತ್ಸೆ ನೀಡುವ 4.5 ವರ್ಷಗಳ ವೃತ್ತಿಪರ ಕೋರ್ಸ್.

B.Sc. Medical Laboratory Technology (MLT): ರಕ್ತ ಪರೀಕ್ಷೆ, ಬಯೋಕೆಮಿಸ್ಟ್ರಿ ಮತ್ತು ರೋಗನಿರ್ಣಯ ಮಾಡುವ ಲ್ಯಾಬ್ ತಂತ್ರಜ್ಞರಾಗಲು ಈ ಕೋರ್ಸ್ ಮಾಡಬೇಕು. 

B.Sc. Radiology & Imaging Technology: ಎಕ್ಸ್-ರೇ (X-Ray), ಸಿಟಿ ಸ್ಕ್ಯಾನ್ (CT Scan), ಮತ್ತು ಎಂಆರ್‌ಐ (MRI) ಯಂತ್ರಗಳನ್ನು ಆಪರೇಟ್ ಮಾಡುವ ತಂತ್ರಜ್ಞರಾಗಲು ಈ ಕೋರ್ಸ್ ಸೂಕ್ತವಾಗಿದೆ.

B.Sc. Anaesthesia & Operation Theatre Technology: ಶಸ್ತ್ರಚಿಕಿತ್ಸೆ (Operation) ನಡೆಯುವಾಗ ಅರಿವಳಿಕೆ ಮತ್ತು ಒಟಿ ನಿರ್ವಹಣೆ ಮಾಡುವ ಅತ್ಯಂತ ಜವಾಬ್ದಾರಿಯುತ ಹುದ್ದೆ ಇದಾಗಿದೆ.

ಫಾರ್ಮಸಿ ಕೋರ್ಸ್‌ಗಳು (Pharmacy)ಔಷಧಿಗಳ ತಯಾರಿಕೆ, ಸಂಶೋಧನೆ ಮತ್ತು ಮಾರಾಟಕ್ಕೆ ಸಂಬಂಧಿಸಿದ ಕೋರ್ಸ್‌ಗಳು ಇವಾಗಿವೆ.

B.Pharm (Bachelor of Pharmacy): 4 ವರ್ಷಗಳ ಈ ಪದವಿ ಮುಗಿಸಿದ ನಂತರ ನೀವು ಸ್ವಂತ ಫಾರ್ಮಸಿ ಇಡಬಹುದು ಅಥವಾ ಔಷಧ ಉತ್ಪಾದನಾ ಕಂಪನಿಗಳಲ್ಲಿ ಕೆಲಸ ಮಾಡಬಹುದು. 

Pharm.D (Doctor of Pharmacy): ಇದು 6 ವರ್ಷಗಳ ನೇರ ಡಾಕ್ಟರೇಟ್ ಕೋರ್ಸ್ ಆಗಿದ್ದು, ಕ್ಲಿನಿಕಲ್ ರಿಸರ್ಚ್ ಮತ್ತು ಆಸ್ಪತ್ರೆಗಳಲ್ಲಿ ಕ್ಲಿನಿಕಲ್ ಫಾರ್ಮಸಿಸ್ಟ್ ಆಗಿ ಕೆಲಸ ಮಾಡಲು ಅವಕಾಶ ನೀಡುತ್ತದೆ. 

ನಿಮ್ಮ ಆಸಕ್ತಿ ರೋಗಿಗಳ ನೇರ ಆರೈಕೆಯಲ್ಲಿದೆಯೇ, ರೋಗನಿರ್ಣಯ ತಂತ್ರಜ್ಞಾನದಲ್ಲಿದೆಯೇ ಅಥವಾ ಸಂಶೋಧನೆಯಲ್ಲಿದೆಯೇ ಎಂಬುದನ್ನು ಯೋಚಿಸಿ ಕೋರ್ಸ್ ಆಯ್ಕೆ ಮಾಡಿ. ಈಗಿನ ದಿನಗಳಲ್ಲಿ 'ಕೇವಲ ಮಾತ್ರವೇ ಏಕೈಕ ದಾರಿ' ಎಂಬ ಕಾಲ ಬದಲಾಗಿದೆ.