ಟೀಂ ಇಂಡಿಯಾ ಗೆಲುವಿನ ಸಂಭ್ರಮದಲ್ಲೂ ನಿದ್ರೆ ಹೋದ ರವಿಶಾಸ್ತ್ರಿ!

ರಾಂಚಿ: ಟೀಂ ಇಂಡಿಯಾ ಕೋಚ್ ರವಿಶಾಸ್ತ್ರಿ ಆಗಾಗ ನೆಟ್ಟಿಗರಿಂದ ಟ್ರೋಲ್ ಗೊಳಗಾಗುತ್ತಲೇ ಇರುತ್ತಾರೆ. ಈ ಬಾರಿ ನಿದ್ರೆ ಮಾಡಿ ತಮಾಷೆಗೊಳಗಾಗಿದ್ದಾರೆ.

ದ.ಆಫ್ರಿಕಾ ವಿರುದ್ಧ ಟೀಂ ಇಂಡಿಯಾ ಗೆಲುವಿನ ಸಂಭ್ರಮಾಚರಿಸಲು ಸಿದ್ಧತೆ ನಡೆಸುತ್ತಿದ್ದರೆ ಪೆವಿಲಿಯನ್ ನಲ್ಲಿ ಕುರ್ಚಿ ಮೇಲೆ ಕುಳಿತಿದ್ದ ಕೋಚ್ ರವಿಶಾಸ್ತ್ರಿ ಕೂತಲ್ಲೇ ನಿದ್ರೆಗೆ ಜಾರಿದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಈ ಫೋಟೋ ನೋಡಿದ ಟ್ವಿಟರಿಗರು, ಈ ರೀತಿ ಮಲಗಿ ನಿದ್ರೆ ಮಾಡಲು ಶಾಸ್ತ್ರಿಗೆ 10 ಕೋಟಿ ರೂ. ಸಂಭಾವನೆ ನೀಡಲಾಗುತ್ತಿದೆಯೇ ಎಂದು ಕಾಲೆಳೆದಿದ್ದಾರೆ. ಕೆಲವರು ಶಾಸ್ತ್ರಿ ಸ್ಲೀಪಿಂಗ್ ಕೋಚ್ ಎಂದು ತಮಾಷೆ ಮಾಡಿದರೆ ಮತ್ತೆ ಕೆಲವರು, ಸರಿಯಾಗಿಯೇ ಮಾಡ್ತಿದ್ದಾರೆ ಡ್ಯೂಟಿ. ಆಫೀಸ್ ಟೈಮ್ ನಲ್ಲಿ ನಿದ್ರೆ, ಡ್ರಿಂಕ್ಸ್ ಸುಖ ಜೀವನ ಎಂದು ವ್ಯಂಗ್ಯ ಮಾಡಿದ್ದಾರೆ.