ಮುಂಬೈ: ಸ್ಪಿನ್ ದಿಗ್ಗಜ ಅನಿಲ್ ಕುಂಬ್ಳೆ ತಮ್ಮ ಎಸೆತದಿಂದ ಎಷ್ಟೋ ಬ್ಯಾಟ್ಸ್ ಮನ್ ಗಳಿಗೆ ಸಿಂಹ ಸ್ವಪ್ನರಾಗಿದ್ದರು. ಆದರೆ ಕುಂಬ್ಳೆಗೆ ಹೆಚ್ಚು ಸವಾಲೆನಿಸುತ್ತಿದ್ದ ಬ್ಯಾಟ್ಸ್ ಮನ್ ಯಾರು ಎಂದು ಅವರೇ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.
ನನಗೆ ಅತೀ ಹೆಚ್ಚು ಸವಾಲೆನಿಸುತ್ತಿದ್ದು ವೆಸ್ಟ್ ಇಂಡೀಸ್ ದಿಗ್ಗಜ ಬ್ರಿಯಾನ್ ಲಾರಾ. ನನ್ನ ನಾಲ್ಕು ಎಸೆತಗಳಿಗೆ ಅವರಲ್ಲಿ ನಾಲ್ಕು ರೀತಿಯ ಉತ್ತರಗಳಿರುತ್ತಿತ್ತು. ನೀವು ಅವರನ್ನು ನಿಮ್ಮ ಬಲೆಗೆ ಕೆಡವಿದಿರಿ ಎಂದುಕೊಳ್ಳುತ್ತಿರುವಾಗಲೇ ಅವರು ಕೊನೆಯ ಕ್ಷಣದಲ್ಲಿ ಮನಸ್ಸು ಬದಲಿಸಿ ಬೇರೆ ಹೊಡೆತ ನೀಡಿ ಅಚ್ಚರಿಗೊಳಿಸುತ್ತಿದ್ದರು ಎಂದು ಕುಂಬ್ಳೆ ಹೇಳಿಕೊಂಡಿದ್ದಾರೆ.
