ಸೆಕೆಂಡ್ ಇನಿಂಗ್ಸ್ ನಲ್ಲಿ ಟೀಂ ಇಂಡಿಯಾ ಭರ್ಜರಿ ಬ್ಯಾಟಿಂಗ್

ಲಂಡನ್: ಭಾರತ ಮತ್ತು ಇಂಗ್ಲೆಂಡ್ ನಡುವಿನ ನಾಲ್ಕನೇ ಟೆಸ್ಟ್ ಪಂದ್ಯದ ದ್ವಿತೀಯ ಇನಿಂಗ್ಸ್ ನಲ್ಲಿ ಟೀಂ ಇಂಡಿಯಾ ಭರ್ಜರಿ ಬ್ಯಾಟಿಂಗ್ ನಡೆಸಿದೆ.

ರೋಹಿತ್ ಶರ್ಮಾ-ಚೇತೇಶ್ವರ ಪೂಜಾರ ಭರ್ಜರಿ ಆಟದ ನೆರವಿನಿಂದ ನಿನ್ನೆಯ ದಿನದಂತ್ಯಕ್ಕೆ 3 ವಿಕೆಟ್ ನಷ್ಟಕ್ಕೆ 270 ರನ್ ಗಳಿಸಿದ್ದು, 171 ರನ್ ಗಳ ಮುನ್ನಡೆ ಹೊಂದಿದೆ. ನಿನ್ನೆಯ ದಿನದಂತ್ಯಕ್ಕೆ ನಾಯಕ ಕೊಹ್ಲಿ 22, ರವೀಂದ್ರ ಜಡೇಜಾ 9 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಇದಕ್ಕೂ ಮೊದಲು ಭರ್ಜರಿ ಆಟವಾಡಿದ ರೋಹಿತ್ ಶರ್ಮಾ 127 ರನ್ ಗಳಿಸಿ ಔಟಾದರು. ಇದಕ್ಕೂ ಮೊದಲು ಪೂಜಾರ ಜೊತೆ ಅವರು ಶತಕದ ಜೊತೆಯಾಟವಾಡಿದರು. ಶರ್ಮಾ ಔಟಾದ ಬೆನ್ನಿಗೇ ಪೂಜಾರ ಕೂಡಾ 61 ರನ್ ಗಳಿಸಿ ನಿರ್ಗಮಿಸಿದರು.