ಭಾರತ-ದ.ಆಫ್ರಿಕಾ ಏಕದಿನ: ಕ್ವಿಂಟನ್ ಶತಕದ ನಡುವೆಯೂ ತಿರುಗಿಬಿದ್ದ ಟೀಂ ಇಂಡಿಯಾ

ಪಾರ್ಲ್: ಭಾರತ ಮತ್ತು ದ.ಆಫ್ರಿಕಾ ನಡುವಿನ ಅಂತಿಮ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಕಳೆದೆರಡು ಪಂದ್ಯಗಳಿಗೆ ಹೋಲಿಸಿದರೆ ಇಂದು ಚೇತೋಹಾರಿ ಪ್ರದರ್ಶನ ನೀಡಿದೆ.

ಇಂದು ಟಾಸ್ ಗೆದ್ದು ಮೊದಲು ಫೀಲ್ಡಿಂಗ್ ಆಯ್ದುಕೊಂಡು ಟೀಂ ಇಂಡಿಯಾ ಆರಂಭದಲ್ಲಿ ಮೂರು ವಿಕೆಟ್ ಗಳನ್ನು ಬೇಗನೇ ಕಿತ್ತಿತ್ತು. ಆದರೆ ಬಳಿಕ ಕ್ವಿಂಟನ್ ಡಿ ಕಾಕ್ ಭರ್ಜರಿ ಶತಕ (124) ಗಳಿಸಿ ಮತ್ತೆ ಅಪಾಯಕಾರಿಯಾದರು. ಇನ್ನೊಂದೆಡೆ ಡುಸೆನ್ 52 ರನ್ ಗಳಿಸಿ ಮಿಂಚಿದರು.

ಆದರೆ ಇಂದು ಟೀಂ ಇಂಡಿಯಾ ಸೂಕ್ತ ಸಮಯದಲ್ಲಿ ವಿಕೆಟ್ ಕೀಳಲು ಸಫಲವಾದ್ದರಿಂದ ಆಫ್ರಿಕಾ ರನ್ ‍ಪ್ರವಾಹಕ್ಕೆ ಕೊಂಚ ಕಡಿವಾಣ ಬಿದ್ದಿತ್ತು. ಅಂತಿಮವಾಗಿ ಆಫ್ರಿಕಾ 49.5 ಓವರ್ ಗಳಲ್ಲಿ 287 ರನ್ ಗೆ ಆಲೌಟ್ ಆಯಿತು. ಭಾರತದ ಪರ ಪ್ರಸಿದ್ಧ ಕೃಷ್ಣ 3, ಜಸ್ಪ್ರೀತ್ ಬುಮ್ರಾ, ದೀಪಕ್ ಚಹರ್ ತಲಾ 2 ವಿಕೆಟ್, ಯಜುವೇಂದ್ರ ಚಾಹಲ್ 1 ವಿಕೆಟ್ ಕಬಳಿಸಿದರು. ಉಳಿದೆರಡು ವಿಕೆಟ್ ರನೌಟ್ ರೂಪದಲ್ಲಿ ಬಂತು.