ಅಹಮ್ಮದಾಬಾದ್: ಕೆಲವು ದಿನಗಳಿಂದ ಬ್ಯಾಟಿಂಗ್ ನಲ್ಲಿ ಮಂಕಾಗಿದ್ದ ವಿರಾಟ್ ಕೊಹ್ಲಿಗೆ ಮತ್ತೆ ಫಾರ್ಮ್ ಕಂಡುಕೊಳ್ಳಲು ಪತ್ನಿ ಅನುಷ್ಕಾ ಶರ್ಮಾ, ಸ್ನೇಹಿತ ಎಬಿಡಿ ವಿಲಿಯರ್ಸ್ ಸಹಾಯ ಮಾಡಿದ್ದಾರಂತೆ. ಅದು ಹೇಗೆ ಎಂದು ಅವರೇ ಹೇಳಿದ್ದಾರೆ.
ನಿನ್ನೆಯ ಪಂದ್ಯದ ಬಳಿಕ ಮಾತನಾಡಿರುವ ಕೊಹ್ಲಿ ತಮ್ಮ 73 ರನ್ ಗಳ ಅಜೇಯ ಇನಿಂಗ್ಸ್ ಬಗ್ಗೆ ಮಾತನಾಡಿದ್ದಾರೆ. ಈ ನಿಟ್ಟಿನಲ್ಲಿ ನನಗೆ ಅನುಷ್ಕಾ, ಎಬಿಡಿ ಸಹಾಯ ಮಾಡಿದರು ಎಂದಿದ್ದಾರೆ.
‘ನಾನು ಕೇವಲ ಬಾಲ್ ಕಡೆಗೆ ಗಮನ ನೆಟ್ಟಿದ್ದೆ. ಟೀಂ ಮ್ಯಾನೇಜ್ ಮೆಂಟ್ ನನಗೆ ಈ ಬಗ್ಗೆ ಹೇಳಿತ್ತು. ಅನುಷ್ಕಾ ಕೂಡಾ ಈಗ ನನ್ನ ಜೊತೆಗೆ ಇಲ್ಲಿದ್ದಾಳೆ. ಅವಳು ನನಗೆ ಕೆಲವು ವಿಚಾರಗಳನ್ನು ಹೇಳುತ್ತಲೇ ಇರುತ್ತಾಳೆ. ಅದಲ್ಲದೆ ಈ ಪಂದ್ಯಕ್ಕೆ ಮೊದಲು ಎಬಿಡಿ ಜೊತೆ ನಾನು ಮಾತನಾಡಿದ್ದೆ. ಅವರು ಬೇರೇನೂ ಯೋಚಿಸದೇ ಕೇವಲ ಬಾಲ್ ಬಗ್ಗೆ ಗಮನಕೊಡು ಎಂದಿದ್ದರು. ಅದರಂತೆ ನಾನು ಮಾಡಿದೆ’ ಎಂದು ಕೊಹ್ಲಿ ಹೇಳಿಕೊಮಡಿದ್ದಾರೆ.
