ತೆರೆ ಮೇಲೂ ರೊಮ್ಯಾನ್ಸ್ ಮಾಡ್ತಾರಾ ವಿರಾಟ್-ಅನುಷ್ಕಾ?!

ಮುಂಬೈ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ನಡುವೆ ಎಂತಹಾ ಉತ್ಕಟ ಪ್ರೇಮವಿದೆ ಎನ್ನುವುದು ಈಗ ಜಗಜ್ಜಾಹೀರಾಗಿದೆ. ಈ ಜೋರಿ ತೆರೆ ಮೇಲೂ ರೊಮ್ಯಾನ್ಸ್ ಮಾಡಿದರೆ ಹೇಗಿರುತ್ತೆ?

ಹಾಗೊಂದು ಐಡಿಯಾ ಬಾಲಿವುಡ್ ನಿರ್ಮಾಪಕ ಕರಣ್ ಜೋಹರ್ ತಲೆಗೆ ಬಂದಿದೆಯಂತೆ. ಇತ್ತೀಚೆಗೆ ಜಾಹೀರಾತೊಂದರಲ್ಲಿ ಮದುವೆ ದೃಶ್ಯದಲ್ಲಿ ವಿರಾಟ್-ಅನುಷ್ಕಾ ಪರಸ್ಪರ ಕಣ್ಣಲ್ಲಿ ಕಣ್ಣಿಟ್ಟು ಅದ್ಭುತವಾಗಿ ಅಭಿನಯಿಸಿದ್ದರು.

ಈ ಜಾಹೀರಾತಿನಲ್ಲಿ ಇವರಿಬ್ಬರ ರೊಮ್ಯಾನ್ಸ್ ನೋಡಿ ಕರಣ್ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಹೊಗಳಿ ಬರೆದಿದ್ದರು. ಇದೀಗ ಇವರಿಬ್ಬರನ್ನೂ ನಾಯಕ-ನಾಯಕಿಯಾಗಿ ತೆರೆ ಮೇಲೆ ಕರೆತರಲು ಕರಣ್ ಉತ್ಸುಹಕರಾಗಿದ್ದಾರಂತೆ. ಆದರೆ ಇವರ ಪ್ರಯತ್ನಕ್ಕೆ ಈ ಹಾಟ್ ಜೋಡಿ ಒಪ್ಪುತ್ತಾ ಎಂದು ಗೊತ್ತಿಲ್ಲ. ಒಂದು ವೇಳೆ ಕರಣ್ ಕನಸು ನನಸಾದರೆ ಅಭಿಮಾನಿಗಳಿಗೆ ಹಬ್ಬವೇ ಸರಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ