ಮುಂಬೈ : ವಿಶೇಷ ಪ್ರಕರಣವೊಂದರಲ್ಲಿ ಅತ್ಯಾಚಾರ ಸಂತ್ರಸ್ತೆಯೊಬ್ಬರಿಗೆ ಬಾಂಬೆ ಹೈಕೋರ್ಟ್ ಗರ್ಭಪಾತ ಮಾಡಿಸಲು ಅನುಮತಿ ನೀಡಿದೆ.
ಬಾಲಕಿ ಅವಿವಾಹಿತಳಾಗಿರುವುದರಿಂದ ಗರ್ಭ ಧರಿಸಿದರೆ ದೈಹಿಕವಾಗಿ ಹಾಗೂ ಮಾನಸಿಕವಾಗಿ ಬಾಲಕಿಗೆ ತೊಂದರೆಯಾಗುತ್ತದೆ ಎಂಬ ವೈದ್ಯಕೀಯ ಮಂಡಳಿಯ ಅಭಿಪ್ರಾಯವನ್ನು ಗಮನದಲ್ಲಿರಿಸಿ ಹೈಕೋರ್ಟ್ ಪೀಠ ಈ ಆದೇಶ ನೀಡಿದೆ.
ಬಾಂಬೆ ಹೈಕೋರ್ಟ್‌ನ ನಾಗ್ಪುರ ಪೀಠವು ಶುಕ್ರವಾರ ಅತ್ಯಾಚಾರ ಸಂತ್ರಸ್ತ ಮಹಿಳೆಗೆ ತನ್ನ 25 ವಾರಗಳ ಗರ್ಭವನ್ನು ಅಂತ್ಯಗೊಳಿಸಲು ಅನುಮತಿ ನೀಡಿತು.
ಅತ್ಯಾಚಾರದಿಂದಾದ ಗರ್ಭಧಾರಣೆಯಿಂದಾಗಿ ಬಾಲಕಿಯ ಮಾನಸಿಕ ಆರೋಗ್ಯಕ್ಕೆ ದುಃಖ ಮತ್ತು ಗಂಭೀರ ಆಘಾತವನ್ನು ಉಂಟುಮಾಡುತ್ತದೆ ಎಂಬುದನ್ನು ಗಮನದಲ್ಲಿರಿಸಿ ಈ ಅನುಮತಿ ನೀಡಲಾಗಿದೆ.
ಹೆಣ್ಣು ಅವಿವಾಹಿತಳಾಗಿರುವುದರಿಂದ, ಗರ್ಭಾವಸ್ಥೆಯು ಹುಡುಗಿಗೆ ದೈಹಿಕವಾಗಿ ಮತ್ತು ಮಾನಸಿಕವಾಗಿ ಹಾನಿ ಮಾಡುತ್ತದೆ ಹೀಗಾಗಿ ಆಕೆ ಮಗುವಿಗೆ ಜನ್ಮ ನೀಡಿದರೆ ಮಗುವಿಗೂ ಆಕೆಗೂ ಸರಿಯಾದ ಆರೈಕೆ ಸಿಗುವುದಿಲ್ಲ ಎಂದು ವೈದ್ಯಕೀಯ ತಂಡ ವರದಿ ನೀಡಿತ್ತು.
ಬಾಲಕಿಯ ಪರ ವಾದ ಮಂಡಿಸಿದ ವಕೀಲ ಎಸ್‌ಎಚ್ ಭಾಟಿಯಾ, ಸಂತ್ರಸ್ತೆ ಅನೇಕ ಅತ್ಯಾಚಾರ ಕೃತ್ಯಗಳಿಗೆ ಬಲಿಯಾಗಿದ್ದರು ಇದರ ಪರಿಣಾಮವಾಗಿ ಆಕೆಯ ಗರ್ಭದ ಅವಧಿಯು 25 ರಿಂದ 26 ವಾರಗಳನ್ನು ತಲುಪಿದೆ ಎಂದು ನ್ಯಾಯಾಲಯಕ್ಕೆ ತಿಳಿಸಿದರು.
ಸಂತ್ರಸ್ತೆ ಪರ ವಕೀಲರ ವಾದ ಮಂಡನೆ ಬಳಿಕ ಎಂಟಿಪಿ ಕಾಯ್ದೆಯಡಿ ಕ್ರಮ ಅನುಸರಿಸಿರುವುದರಿಂದ ಅರ್ಜಿಗೆ ಅನುಮತಿ ನೀಡಬಹುದು ಎಂದು ಹೆಚ್ಚುವರಿ ಸರ್ಕಾರಿ ಪರ ವಕೀಲ ಎನ್.ಎಸ್.ರಾವ್ ಇದೇ ವೇಳೆ ತಿಳಿಸಿದರು.