ಜೀ ಕನ್ನಡದಲ್ಲಿ ಬರಲಿದೆ ಈ ಜನಪ್ರಿಯ ಧಾರವಾಹಿಯ ಎರಡನೇ ಭಾಗ: ನಾಯಕಿ ಯಾರು ಗೊತ್ತಾ?

ಬೆಂಗಳೂರು: ಜೀ ಕನ್ನಡ ವಾಹಿನಿಯಲ್ಲಿ ಜನಪ್ರಿಯವಾಗಿ ನಾಗಿಣಿ ಧಾರವಾಹಿ ಮುಕ್ತಾಯವಾಗಿರುವುದು ವೀಕ್ಷಕರಿಗೆ ಬೇಸರವುಂಟು ಮಾಡಿದೆ.

ಈ ಧಾರವಾಹಿಯ ನಾಯಕಿ ದೀಪಿಕಾ ದಾಸ್ ಈಗ ಬಿಗ್ ಬಾಸ್ ಮನೆಯೊಳಗೆ ಸ್ಪರ್ಧಿಯಾಗಿದ್ದಾರೆ. ಇತ್ತ ಧಾರವಾಹಿ ಅರ್ಜುನ್-ಅಮೃತಾ ವಿವಾಹದೊಂದಿಗೆ ಮುಕ್ತಾಯ ಕಂಡಿದೆ. ಆದರೆ ಧಾರವಾಹಿ ಮುಗಿಯಿತೆಂದು ವೀಕ್ಷಕರು ಬೇಸರಗೊಳ್ಳಬೇಕಿಲ್ಲ.

ಈ ಧಾರವಾಹಿಯ ಎರಡನೇ ಭಾಗ ಮತ್ತೆ ಜೀ ಕನ್ನಡದಲ್ಲಿ ಪ್ರಸಾರವಾಗಲಿದೆ. ನಾಗಿಣಿ 2 ಭಾಗವನ್ನು ಈ ಬಾರಿ ಪುಟ್ಟಗೌರಿ ಮದುವೆ ಧಾರವಾಹಿ ಖ್ಯಾತಿಯ ರಾಮ್ ಜಿ ನಿರ್ದೇಶಿಸುತ್ತಿರುವುದು ವಿಶೇಷವಾಗಿದೆ. ಈ ಮೂಲಕ ಹಲವು ವರ್ಷಗಳ ಬಳಿಕ ರಾಮ್ ಜಿ ಜೀ ಕನ್ನಡಕ್ಕೆ ಆಗಮಿಸುತ್ತಿದ್ದಾರೆ. ಈ ಮೊದಲು ಇದೇ ವಾಹಿನಿಗಾಗಿ ರಾಮ್ ಜಿ ಸೊಸೆ ತಂದ ಸೌಭಾಗ್ಯ, ರಾಧಾ ಕಲ್ಯಾಣ ಎನ್ನುವ ಧಾರವಾಹಿಗಳನ್ನು ನಿರ್ದೇಶಿಸಿದ್ದರು.  ಈ ಬಾರಿ ಪುಟ್ಟಗೌರಿ ಮದುವೆ ಧಾರವಾಹಿಯಲ್ಲಿ ಹಿಮ ಪಾತ್ರ ಮಾಡಿದ್ದ ನಮ್ರತಾ ಗೌಡ ನಾಗಿಣಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.