ಬೆಂಗಳೂರು: ಬಿಗ್ ಬಾಸ್ ಫೈನಲ್ ವೇದಿಕೆಯಲ್ಲಿ ಫೈನಲಿಸ್ಟ್ ಜಯರಾಂ ಕಾರ್ತಿಕ್ ಹಳೆಯ ನೆನಪೊಂದನ್ನು ನೋಡಿ ಅತ್ತಾಗ ಕಿಚ್ಚ ಸುದೀಪ್ ಕೂಡಾ ಕಣ್ಣೀರಾಗಿದ್ದಾರೆ.
ನೆನಪುಗಳ ವಿಡಿಯೋ ತೋರಿಸುವಾಗ ತೀರಿಕೊಂಡ ಗೆಳೆಯ ಧ್ರುವ ಶರ್ಮಾ ಮಾತನಾಡುವ ದೃಶ್ಯ ಬಂತು. ಇದನ್ನು ನೋಡಿ ಕಿಚ್ಚ ಸುದೀಪ್ ಮತ್ತು ಜೆಕೆ ಇಬ್ಬರಿಗೂ ಬೇಸರವಾಯಿತು. ಧ್ರುವ ಜತೆ, ಸುದೀಪ್ ಮತ್ತು ಜೆಕೆ ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ ನಲ್ಲಿ ಆಡಿದ್ದವರು. ಹೀಗಾಗಿ ಗೆಳೆಯನ ನೆನೆದು ಇಬ್ಬರೂ ಕಣ್ಣೀರಾದರು.
ಇನ್ನೊಮ್ಮೆ ಜೆಕೆ ಬಿಗ್ ಬಾಸ್ ನಲ್ಲಿ ಕಳೆದ ಕ್ಷಣಗಳನ್ನು ಮೆಲುಕು ಹಾಕುವ ವಿಡಿಯೋ ನೋಡಿದಾಗ ಸ್ವತಃ ಸುದೀಪ್ ಗೆ ಕಣ್ಣಂಚಲಿ ಹನಿ ಮೂಡಿತು. ಅದನ್ನು ನೋಡಿ ಜೆಕೆಯೂ ಬಿಕ್ಕಿ ಬಿಕ್ಕಿ ಅತ್ತರು. ಅಂತೂ ಬಿಗ್ ಬಾಸ್ ವೇದಿಕೆಯಲ್ಲಿ ಸೆಂಟಿಮೆಂಟ್ ಜೋರಾಗಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
