ಬೆಂಗಳೂರು: ಬಿಗ್ ಬಾಸ್ ಮನೆಯೊಳಗೆ ಸ್ಪರ್ಧಿಗಳು ಒಬ್ಬರಾದ ಮೇಲೆ ಒಬ್ಬರು ಅನಾರೋಗ್ಯಕ್ಕೆ ಒಳಗಾಗಿದ್ದಾರೆ. ನಿನ್ನೆ ದೈಹಿಕ ಶಿಕ್ಷಕಿಯಾಗಿ ಬಂದಿದ್ದ ಕಳೆದ ಬಿಗ್ ಬಾಸ್ ಸ್ಪರ್ಧಿ ಶೀತಲ್ ಶೆಟ್ಟಿ ನೀಡಿದ ಟಾಸ್ಕ್ ನಡುವೆ ಮೂವರು ಸ್ಪರ್ಧಿಗಳು ಅಸ್ವಸ್ಥರಾಗಿದ್ದಾರೆ.
ಮೊದಲು ಹುಷಾರು ತಪ್ಪಿದ್ದು ಅನುಪಮಾ ಗೌಡಗೆ. ಉಸಿರಾಟದ ಸಮಸ್ಯೆಯಿಂದ ಬಳಲಿದ ಅನುಪಮಾರನ್ನು ಎತ್ತಿಕೊಂಡು ಕನ್ ಫೆಷನ್ ರೂಂಗೆ ಕರೆದೊಯ್ಯಲಾಯಿತು. ಅಲ್ಲಿ ವೈದ್ಯರ ನೆರವಿನಿಂದ ಚಿಕಿತ್ಸೆ ಕೊಡಿಸಲಾಯಿತು.
ಇನ್ನು ಸ್ವಲ್ಪ ಸಮಯದ ನಂತರ ಆಶಿತಾ ಮೈಗ್ರೇನ್ ತಲೆನೋವೆಂದು ಇದ್ದಲ್ಲೇ ಮಲಗಿಕೊಂಡರು. ಕೊನೆಗೆ ಬಿಗ್ ಬಾಸ್ ಬಳಿ ಮನವಿ ಮಾಡಿ ಅವರಿಗೆ ಟಾಸ್ಕ್ ನಿಂದ ವಿನಾಯಿತಿ ನೀಡಲಾಯಿತು. ಇದಾದ ಸ್ವಲ್ಪ ಹೊತ್ತಿನಲ್ಲೇ ಸಮೀರ್ ಆಚಾರ್ಯ ತಲೆ ಸುತ್ತಿ ಬಿದ್ದರು. ಅವರಿಗೂ ಸ್ಪರ್ಧಿಗಳೇ ಪ್ರಥಮ ಚಿಕಿತ್ಸೆ ಕೊಡಿಸಿದರು. ಹಾಗಿದ್ದರೂ ಟಾಸ್ಕ್ ಮುಗಿದ ಮೇಲೂ ತಲೆಸುತ್ತಿದಂತಾಗುತ್ತದೆಂದು ಸಮೀರ್ ಆಚಾರ್ಯ ಹೇಳುತ್ತಿದ್ದರು. ಅಂತೂ ಇಡೀ ದಿನ ಬಿಗ್ ಬಾಸ್ ನಲ್ಲಿ ಅನಾರೋಗ್ಯ ಪೀಡಿತರ ಸಂಖ್ಯೆಯೇ ಜಾಸ್ತಿಯಿತ್ತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
