ಆದ್ರೂ ಪಾಕಿಸ್ತಾನವನ್ನು ಖಂಡಿಸಿಲ್ವಲ್ಲಾ..? ಸಾನಿಯಾ ಮಿರ್ಜಾ ವಿರುದ್ಧ ಟ್ವಿಟರಿಗರ ಸಿಟ್ಟು

ನವದೆಹಲಿ: ಪುಲ್ವಾಮಾದಲ್ಲಿ ಪಾಕ್ ಪ್ರೇರಿತ ಉಗ್ರರು ಭಾರತೀಯ ಯೋಧರ ಮೇಲೆ ದಾಳಿ ಮಾಡಿದ ಪ್ರಕರಣ ನಡೆದ ತಕ್ಷಣವೇ ಟ್ವೀಟ್ ಮಾಡಲಿಲ್ಲ ಎಂದು ಭಾರತೀಯ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಮೇಲೆ ಗರಂ ಆಗಿದ್ದ ಟ್ವಿಟರಿಗರು ಇದೀಗ ಮತ್ತೆ ಆಕ್ರೋಶ ಹೊರಹಾಕಿದ್ದಾರೆ.

ಸಾನಿಯಾ ಪಾಕ್ ಮೂಲದ ಶೊಯೇಬ್ ಮಲಿಕ್ ರನ್ನು ವಿವಾಹವಾದ ಕಾರಣ ಆಗಾಗ ಭಾರತ-ಪಾಕ್ ವಿಚಾರಕ್ಕೆ ಟ್ರೋಲ್ ಗೊಳಗಾಗುತ್ತಲೇ ಇರುತ್ತಾರೆ. ಇದೀಗ ಘಟನೆ ಬಗ್ಗೆ ತಮ್ಮ ಸಂತಾಪ ವ್ಯಕ್ತಪಡಿಸಿ ಜತೆಗೆ ತಾವು ಟ್ವೀಟ್ ಮಾಡಲಿಲ್ಲವೆಂದು ಟ್ರೋಲ್ ಮಾಡಿದವರಿಗೆ ಸಾನಿಯಾ ತಿರುಗೇಟು ಕೊಟ್ಟ ಮೇಲೂ ಟೀಕಾಕಾರರು ಸುಮ್ಮನಾಗಿಲ್ಲ.

ಸಾನಿಯಾ ಸುದೀರ್ಘ ಪತ್ರ ಬರೆದು ಉಗ್ರರ ಕೃತ್ಯವನ್ನು ಖಂಡಿಸಿದ್ದರು. ಫೆಬ್ರವರಿ 14 ನಮಗೆ ಕರಾಳ ದಿನ ಎಂದಿದ್ದರು. ಯೋಧರ ಹತ್ಯೆಗೆ ಸಂತಾಪ ವ್ಯಕ್ತಪಡಿಸಿದ್ದರು. ಎಲ್ಲಾ ಸರಿ, ಆದರೆ ತಾವು ಸೊಸೆಯಾಗಿರುವ ಪಾಕಿಸ್ತಾನದ ಬಗ್ಗೆ ಚಕಾರವೆತ್ತಿಲ್ಲ. ಇದು ಟ್ವಿಟರಿಗರ ಆಕ್ರೋಶಕ್ಕೆ ಕಾರಣವಾಗಿದೆ.

ಇಷ್ಟೆಲ್ಲಾ ಹೇಳಿದ ನೀವು ಪಾಕಿಸ್ತಾನವನ್ನು ಖಂಡಿಸುವ ಧೈರ್ಯ ಮಾಡಲಿಲ್ಲವೇಕೆ ಎಂದು ಟ್ವಿಟರಿಗರು ಸಾನಿಯಾ ಕಾಲೆಳೆದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ