ಕಾಮನ್ ವೆಲ್ತ್ ಗೇಮ್ಸ್ ಗೆ ಕಾಲಿಟ್ಟ ದಿನವೇ ಸೈನಾ ನೆಹ್ವಾಲ್ ಅತ್ತಿದ್ದರಂತೆ! ಕಾರಣವೇನು ಗೊತ್ತಾ?

ನವದೆಹಲಿ: ಇತ್ತೀಚೆಗೆ ಆಸ್ಟ್ರೇಲಿಯಾದಲ್ಲಿ ನಡೆದ ಕಾಮನ್ ವೆಲ್ತ್ ಗೇಮ್ಸ್ ನಲ್ಲಿ ಭಾರತದ ಖ್ಯಾತ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಚಿನ್ನ ಗೆದ್ದರು. ಆದರೆ ಈ ಕೂಟಕ್ಕೆ ಕಾಲಿಡುವ ಮೊದಲು ಸೈನಾ ಅತ್ತಿದ್ದರಂತೆ. ಕಾರಣವೇನುಂಬುದನ್ನು ಅವರೇ ಹೇಳಿಕೊಂಡಿದ್ದಾರೆ.

ಕಾಮನ್ ವೆಲ್ತ್ ಗ್ರಾಮಕ್ಕೆ ಕಾಲಿಟ್ಟಾಗ ತಂದೆ ಹರ್ ವೀರ್ ಸಿಂಗ್ ಗೆ ಪ್ರವೇಶವಿಲ್ಲ ಎಂದರು. ಇದರ ಬಗ್ಗೆ ಸೈನಾ ಪ್ರತಿಭಟನೆ ನಡೆಸಿದ್ದು ಸುದ್ದಿಯಾಗಿತ್ತು. ಆದರೆ ಈ ಸಂದರ್ಭದಲ್ಲಿ ಸದಾ ತನ್ನ ಜತೆಗೇ ಬರುವ ತಂದೆಗೆ ಕಾಮನ್ ವೆಲ್ತ್ ಗೇಮ್ಸ್ ನಲ್ಲಿ ತನ್ನ ಆಟ ನೋಡಲು ಸಾಧ್ಯವಿಲ್ಲ ಎಂದು ತಿಳಿದು ಸೈನಾ ಅತ್ತಿದ್ದರಂತೆ.

‘ನಾನೇ ಶುಲ್ಕ ಭರಿಸಲೂ ಸಿದ್ಧಳಿದ್ದೆ. ಆದರೂ ನಾನು ಹೆಚ್ಚು ಇಷ್ಟಪಡುವ ತಂದೆಗೆ ಪಂದ್ಯ ನೋಡಲು ಸಾಧ್ಯವಿಲ್ಲ ಎಂದು ಹೇಳಿದ್ದು ನನಗೆ ತೀವ್ರ ಹತಾಶೇಯುಂಟು ಮಾಡಿತ್ತು. ಕೂಟದಿಂದಲೇ ನಿರ್ಗಮಿಸುವ ಬೆದರಿಕೆ ಹಾಕಿದ್ದೆ. ಒಂದು ದಿನ ಅಭ್ಯಾಸಕ್ಕೂ ತೆರಳಲಿಲ್ಲ. ಅದೃಷ್ಟವಶಾತ್ ಆವತ್ತು ಗೋಪಿಚಂದ್ ಸರ್ ಅಲ್ಲಿರಲಿಲ್ಲ. ಅವರಿದ್ದರೆ ನನಗೆ ಇದೆಲ್ಲಾ ಮನಸ್ಸಿಗೆ ಹಚ್ಚಿಕೊಳ್ಳದೆ ಪ್ರಾಕ್ಟೀಸ್ ಮಾಡು ಎನ್ನುತ್ತಿದ್ದರು. ಕೊನೆಗೆ ನನ್ನ ತಂದೆಗೆ ಪಂದ್ಯಕ್ಕೆ ಬರಲು ಅವಕಾಶ ಸಿಕ್ಕಿತು’ ಎಂದು ಸೈನಾ ಹೇಳಿಕೊಂಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.