ಕುಸ್ತಿಪಟು ರಿತಿಕಾ ಪೋಗಟ್ ಸಾವಿನ ತನಿಖೆಗೆ ಮುಂದಾದ ಪೊಲೀಸರು

ನವದೆಹಲಿ: ಖ್ಯಾತ ಕುಸ್ತಿಪಟು ಪೋಗಟ್ ಕುಟುಂಬದ ರಿತಿಕಾ ಪೋಗಟ್ ಸಾವಿನ ಪ್ರಕರಣದ ಬಗ್ಗೆ ಪೊಲೀಸರು ತನಿಖೆ ನಡೆಸಲಿದ್ದು, ಎಫ್ಐಆರ್ ದಾಖಲಿಸಿಕೊಂಡಿದ್ದಾರೆ.

ಗೀತಾ ಪೋಗಟ್ ಮತ್ತು ಬಬಿತಾ ಪೋಗಟ್ ಸಹೋದರಿಯಾದ ರಿತಿಕಾ ಮಾರ್ಚ್ 14 ರಂದು ನಡೆದ ಸಬ್ ಜ್ಯೂನಿಯರ್ ಹಂತದ ಫೈನಲ್ ಸೋಲಿನ ಹತಾಶೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿತ್ತು.

ಆದರೆ ಈ ವಿಚಾರದಲ್ಲಿ ಅನುಮಾನಕ್ಕೀಡಾಗುವ ಅಂಶಗಳಿವೆಯೇ ಎಂಬ ಬಗ್ಗೆ ಪೊಲೀಸರು ತನಿಖೆ ನಡೆಸಲಿದ್ದಾರೆ. ಬುಧವಾರ ರಿತಿಕಾ ನೇಣಿಗೆ ಶರಣಾಗಿದ್ದರು. ಕಳೆದ ಐದು ವರ್ಷಗಳಿಂದ ಕುಸ್ತಿಪಟುವಾಗಿ ತರಬೇತಿ ಪಡೆದುಕೊಳ್ಳುತ್ತಿದ್ದ 17 ವರ್ಷದ ಯುವತಿ ರಿತಿಕಾ ಸಾವಿಗೆ ನಿಖರ ಕಾರಣವೇನೆಂದು ತನಿಖೆಯಿಂದ ತಿಳಿದುಬರಲಿದೆ.