ಮುಂಬೈ: ಟೆನಿಸಿಗ ಲಿಯಾಂಡರ್ ಪೇಸ್ ಮತ್ತು ರಿಯಾ ಪಿಳ್ಳೈ ಕಚ್ಚಾಟ ಇಂದು ನಿನ್ನೆಯದಲ್ಲ. ಆದರೆ ಮಾಜಿ ಗೆಳೆಯನಿಂದ ಪರಿಹಾರ ಮೊತ್ತ ಒದಗಿಸುವಂತೆ ನ್ಯಾಯಾಲಯದಲ್ಲಿ ಅರ್ಜಿ ಹಾಕುವಾಗ ರಿಯಾ ಎಡವಟ್ಟು ಮಾಡಿಕೊಂಡಿದ್ದಾರೆ.
ರಿಯಾ ಪಿಳ್ಳೈ ತಮ್ಮ ವಕೀಲರ ಮೂಲಕ ಪೇಸ್ ರಿಂದ 1 ಕೋಟಿ ರೂ. ಪರಿಹಾರ ಒದಗಿಸುವಂತೆ ಅರ್ಜಿ ಹಾಕಿದ್ದರು. ಆದರೆ ವಕೀಲರು ಅರ್ಜಿಯಲ್ಲಿ 1 ಕೋಟಿ ಎಂದು ಬರೆಯುವಾಗ ಒಂದು ಶೂನ್ಯ ಹಾಕುವುದನ್ನು ಮರೆತಿದ್ದಾರೆ.
ಹೀಗಾಗಿ 1 ಕೋಟಿ ರೂ.ಗೆ ಬದಲಾಗಿ 10 ಲಕ್ಷಕ್ಕೆ ಬೇಡಿಕೆ ಇಟ್ಟಂತಾಗಿದೆ. ಇದೀಗ ವಕೀಲರು ತಮ್ಮ ಪ್ರಮಾದವನ್ನು ಕೋರ್ಟ್ ಮುಂದೆ ಹೇಳಿಕೊಂಡಿದ್ದಾರೆ. ಪೇಸ್ ವಿರುದ್ಧ ರಿಯಾ ಪಿಳ್ಳೈ ಕೌಟುಂಬಿಕ ದೌರ್ಜನ್ಯ ಪ್ರಕರಣ ದಾಖಲಿಸಿದ್ದಾರೆ. ಇವರಿಬ್ಬರು ಲಿವಿಂಗ್ ಟುಗೆದರ್ ಜೀವನ ನಡೆಸುತ್ತಿದ್ದರು.
