ಸಿಂಪಲ್ ಸ್ವೀಟ್ ರೆಸಿಪಿ ಈ ಬೀಟ್ರೂಟ್ ಹಲ್ವಾ

ತುಂಬಾನೇ ಸಿಂಪಲ್ ಹಾಗೂ ಸುಲಭವಾಗಿ ಮಾಡಬಹುದಾದ ಆರೋಗ್ಯಕರವಾದ ಸ್ವೀಟ್ ಈ ಬೀಟ್ರೂಟ್ ಹಲ್ವಾ.

 ಬೇಕಾಗುವ ಸಾಮಗ್ರಿಗಳು:

* ಬೀಟ್‍ರೂಟ್ - 2

* ಹಾಲು - 1 ಕಪ್

* ಸಕ್ಕರೆ - 1/2 ಕಪ್ 

* ಕೋವಾ -100 ಗ್ರಾಂ 

* ಏಲಕ್ಕಿ ಪುಡಿ - 1 ಚಮಚ

* ತುಪ್ಪ -3 ಟೇಬಲ್ ಚಮಚ

* ಗೋಡಂಬಿ -ಸ್ವಲ್ಪ(ಬೇಕಿದ್ದರೆ)

* ಒಣ ದ್ರಾಕ್ಷಿ - ಸ್ವಲ್ಪ

* ಕತ್ತರಿಸಿದ ಬಾದಾಮಿ ಚೂರು - ಸ್ವಲ್ಪ

ಮಾಡುವ ವಿಧಾನ :

* ಬೀಟ್‍ರೂಟನ್ನು ಚೆನ್ನಾಗಿ ತೊಳೆದು, ಸಿಪ್ಪೆತೆಗೆದು ತುರಿದಿಟ್ಟುಕೊಳ್ಳಿ.

* ತುಪ್ಪವನ್ನು ಆಳವಾದ ತಳವಿರುವ ಬಾಣಲೆಯಲ್ಲಿ ಹಾಕಿಕೊಂಡು ಕಾಯಿಸಿ. ಇದಕ್ಕೆ ಗೋಡಂಬಿ, ಬಾದಾಮಿ, ದ್ರಾಕ್ಷಿಗಳನ್ನು ಹಾಕಿ, ಕಡಿಮೆ ಉರಿಯಲ್ಲಿ ಸ್ವಲ್ಪ ಹೊತ್ತು ಹುರಿಯಿರಿ. ನಂತರ ಅವುಗಳನ್ನು ಬಾಣಲೆಯಿಂದ ತೆಗೆದು ಪಕ್ಕದಲ್ಲಿಡಿ.

* ಈಗ ಸಿಪ್ಪೆ ತೆಗೆದ ಬೀಟ್‍ರೂಟ್‍ಗಳನ್ನು ಬೆಚ್ಚಗಿನ ತುಪ್ಪದಲ್ಲಿ ಹಾಕಿ ಮತ್ತು ಸ್ವಲ್ಪ ಹೊತ್ತು ಕಡಿಮೆ ಹುರಿಯಲ್ಲಿ ಹುರಿಯಿರಿ. ಈಗ, ಇದಕ್ಕೆ ಹಾಲು ಮತ್ತು ಕೋವಾವನ್ನು ಹಾಕಿ. ಕಡಿಮೆ ಹುರಿಯಲ್ಲಿ ಕೈಯಾಡಿಸುತ್ತಿರಿ.

* ನಂತರ, ಇದಕ್ಕೆ ಸಕ್ಕರೆ, ಏಲಕ್ಕಿ ಪುಡಿಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಬಳಿಕ ಕಡಿಮೆ ಉರಿಯಲ್ಲಿ ಬೇಯಿಸಿ ಮತ್ತು ಆಗಾಗ ಚೆನ್ನಾಗಿ ಕೈಯಾಡಿಸುತ್ತಿರಿ. ಮಿಶ್ರಣವು ಗಟ್ಟಿಯಾಗುವವರೆಗೆ ಬೇಯಿಸುತ್ತ ಇರಿ.

* ಬಳಿಕ ಉರಿ ಆರಿಸಿ ಒಂದು ಪ್ಲೇಟ್ ಗೆ ಹಾಕಿ ಅದರ ಮೇಲೆ ಗೋಡಂಬಿ, ಬಾದಾಮಿ ಮತ್ತು ಒಣ ದ್ರಾಕ್ಷಿಗಳಿಂದ ಹಲ್ವಾವನ್ನು ಅಲಂಕರಿಸಿ, ಸವಿಯಿರಿ.