ಎಲ್ಲ ಕಳ್ಳರ ಹೆಸರಿನ ಕೊನೆಗೆ ‘ಮೋದಿ’ ಯಾಕೆ ಇರುತ್ತೆ - ರಾಹುಲ್ ಗಾಂಧಿ

ರಾಂಚಿ : ಎಲ್ಲ ಕಳ್ಳರ ಹೆಸರಿನ ಕೊನೆಗೆ ‘ಮೋದಿ’ ಯಾಕೆ ಇರುತ್ತೆ ಎಂದು ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಪ್ರಶ್ನಿಸಿದ್ದಾರೆ.

ಜಾರ್ಖಂಡ್ ರಾಜ್ಯದ ರಾಂಚಿಯಲ್ಲಿ ನಡೆದ ಕಾಂಗ್ರೆಸ್ ಸಮಾವೇಶದಲ್ಲಿ ಮಾತನಾಡಿದ ಅವರು,’ ನೀವು ನೀರವ್ ಮೋದಿ ಹೆಸರನ್ನು ಕೇಳಿರಬೇಕು. ಹಾಗೆಯೇ ಲಲಿತ್ ಮೋದಿಯ ಹೆಸರನ್ನು ಕೇಳಿರುತ್ತೀರಿ. ನೀರವ್ ಮೋದಿಗೆ ನರೇಂದ್ರ ಮೋದಿ ಸೋದರ ಎಂದು ಕರೆಯುತ್ತಿದ್ರು. ಮೆಹುಲ್, ನೀರವ್, ಲಲಿತ್ ಎಂಬ ಹೆಸರುಗಳ ವ್ಯಕ್ತಿಗಳನ್ನು ಟಿವಿಯಲ್ಲಿ ನೋಡಿರುತ್ತೀರಿ. ಆದ್ರೆ ಎಲ್ಲ ಕಳ್ಳರ ಹೆಸರಿನ ಕೊನೆಗೆ ಮೋದಿ ಯಾಕಿರುತ್ತೆ ಎಂಬುವುದು ಗೊತ್ತಾಗುತ್ತಿಲ್ಲ’ ಎಂದು ಹೇಳಿದ್ದಾರೆ.

ಭಾರತೀಯ ವಾಯುಸೇನೆ ದೇಶದ ರಕ್ಷಣೆ ಮಾಡುತ್ತದೆ. ವಾಯುಸೇನೆಯ ಪೈಲಟ್ ಗಳು ತಮ್ಮ ಜೀವವನ್ನು ಪಣಕ್ಕಿಟ್ಟು, ದೇಶದ ರಕ್ಷಣೆಯಲ್ಲಿ ನಿರತರಾಗಿರುತ್ತಾರೆ. ಆದ್ರೆ ನಮ್ಮ ಪ್ರಧಾನಿಗಳು ವಾಯುಸೇನೆಯಿಂದ ಹಣ ಕದ್ದು ಅನಿಲ್ ಅಂಬಾನಿಯಲ್ಲಿ ಜೇಬಿನಲ್ಲಡುತ್ತಾರೆ ಎಂದು ಅವರು ರಫೇಲ್ ಡೀಲ್ ವಿಚಾರದಲ್ಲಿ ಪರೋಕ್ಷವಾಗಿ ಪ್ರಧಾನಿ ಮೋದಿಗೆ ಟಾಂಗ್ ನೀಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.