ಕಳ್ಳತನ ಮಾಡಿದ ಮೇಲೆ ಐ ಲವ್ ಯೂ ಬರೆದು ಪರಾರಿಯಾದ ಖದೀಮ!

ಪಣಜಿ: ಕಳ್ಳತನ ಮಾಡಲು ಬಂದ ಕಳ್ಳ ಮಾಲು ಸಮೇತ ಎಸ್ಕೇಪ್ ಆಗುವ ಮೊದಲು ಮನೆಯ ಟಿವಿಯೊಳಗೆ ಐ ಲವ್ ಯೂ ಎಂದು ಮಾಲಿಕನಿಗೆ ಬರೆದು ಪರಾರಿಯಾಗಿದ್ದಾನೆ.

ಗೋವಾದಲ್ಲಿ ಈ ಘಟನೆ ನಡೆದಿದ್ದು, ಕಳ್ಳ ಐಷಾರಾಮಿ ಬಂಗಲೆಯೊಂದಕ್ಕೆ ನುಗ್ಗಿದ್ದ. ಬಳಿಕ ಮನೆಯಲ್ಲಿದ್ದ ಸುಮಾರು 20 ಲಕ್ಷ ಮೌಲ್ಯದ ನಗ-ನಗದು ದೋಚಿದ್ದಾನೆ. ಹೋಗುವ ಮುನ್ನ ಟಿವಿ ಮೇಲೆ ಮನೆ ಮಾಲಿಕನಿಗೆ ಐ ಲವ್ ಯೂ ಎಂದು ಬರೆದು ಪರಾರಿಯಾಗಿದ್ದಾನೆ.

ವಿಲಕ್ಷಣ ಕಳ್ಳನ ವಿರುದ್ಧ ಮನೆ ಮಾಲಿಕ ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಆರೋಪಿಗಾಗಿ ಹುಡುಕಾಟ ನಡೆಸಿದ್ದಾರೆ.