ಮೇಘಾಲಯ ಚುನಾವಣೆ ಪ್ರಚಾರಕ್ಕೆ ಬಂದ ರಾಹುಲ್ ಗಾಂಧಿಗೆ ಜಾಕೆಟ್ ನೀಡಿದ ಶಾಕ್!

ನವದೆಹಲಿ: ಪ್ರಧಾನಿ ಮೋದಿ ದುಬಾರಿ ಸೂಟ್ ತೊಡುತ್ತಾರೆ ಎಂದು ಆರೋಪಿಸುವ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಗೆ ಮೇಘಾಲಯ ಬಿಜೆಪಿ ಶಾಕ್ ಕೊಟ್ಟಿದೆ.

ಇಲ್ಲಿ ವಿಧಾನಸಭೆ ಚುನಾವಣೆ ಪ್ರಚಾರ ಆರಂಭಿಸಲು ಬಂದಾಗ ರಾಹುಲ್ ಗಾಂಧಿ ತೊಟ್ಟಿದ್ದ ಜಾಕೆಟ್ ಬಗ್ಗೆ ಬಿಜೆಪಿ ಟೀಕಾ ಪ್ರಹಾರ ನಡೆಸಿದೆ. ರಾಹುಲ್ ತೊಟ್ಟಿದ್ದ ಜಾಕೆಟ್ ಬೆಲೆ 70 ಸಾವಿರ ರೂ. ಎಂದು ಬಿಜೆಪಿ ಆರೋಪಿಸಿದೆ.

ಸೂಟ್ ಬೂಟ್ ಕೀ ಸರ್ಕಾರ್ ಎಂದು ನಮ್ಮನ್ನು ಕೆಣಕುವ ರಾಹುಲ್ ಗಾಂಧಿಗೆ ತಮ್ಮ ದುಬಾರಿ ಬೆಲೆ ಜಾಕೆಟ್ ಬಗ್ಗೆ ಹೇಳುವ ತಾಕತ್ತಿದೆಯೇ? ನಮ್ಮನ್ನು ಟೀಕಿಸುವ ಬದಲು ಮೇಘಾಲಯದ ಕಾಂಗ್ರೆಸ್ ನೇತೃತ್ವದ ಸರ್ಕಾರದ ಭ್ರಷ್ಟಾಚಾರದ ಬಗ್ಗೆ ಬಾಯ್ಬಿಡಲಿ ಎಂದು ಬಿಜೆಪಿ ಟೀಕಿಸಿದೆ. ಬ್ರಿಟಿಷ್ ಲಕ್ಷುರಿ ಫ್ಯಾಶನ್ ಬ್ರ್ಯಾಂಡ್ ನ ಈ ಜಾಕೆಟ್ ಬೆಲೆ ಏನಿಲ್ಲವೆಂದರೂ 68 ಸಾವಿರ ರೂ.ಗಳಿಗಿಂತಲೂ ಹೆಚ್ಚು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ