ಈಗೆಲ್ಲಾ ಯಾರೂ ನಂಗೆ ಗೌರವ ಕೊಡ್ತಿಲ್ಲ: ಮುಲಾಯಂ ಸಿಂಗ್ ಯಾದವ್

ನವದೆಹಲಿ: ಈಗೆಲ್ಲಾ ನನ್ನನ್ನು ಗೌರವಿಸುವವರು ಯಾರೂ ಇಲ್ಲ. ಬಹುಶಃ ನಾನು ಸತ್ತ ಮೇಲೆ ನನಗೆ ಗೌರವ ಸಿಗಬಹುದೇನೋ.. ಹೀಗಂತ ಸಮಾಜವಾದಿ ಪಕ್ಷದ ಹಿರಿಯ ಮುಖಂಡ ಮುಲಾಯಂ ಸಿಂಗ್ ಯಾದವ್ ಅಲವತ್ತುಕೊಂಡಿದ್ದಾರೆ.

ತಮ್ಮ ಪಕ್ಷದಲ್ಲಿ ತಾವೇ ಮೂಲೆಗುಂಪಾಗಿರುವ ಮುಲಾಯಂ ಈ ಹೇಳಿಕೆಯನ್ನು ನೋವಿನಿಂದಲೇ ಹೇಳಿಕೊಂಡಿದ್ದಾರೆ. ಇದೀಗ ಪಕ್ಷದಲ್ಲೇ ಪುತ್ರ, ಮಾಜಿ ಸಿಎಂ ಅಖಿಲೇಶ್ ಯಾದವ್ ರದ್ದೇ ಕಾರುಬಾರು.

‘ನಮ್ಮ ನಾಯಕ ಲೋಹಿಯಾ ಜೀ ಕೂಡಾ ಇದನ್ನೇ ಹೇಳುತ್ತಿದ್ದರು. ಈ ದೇಶದಲ್ಲಿ ಬದುಕಿದ್ದಾಗ ಯಾರೂ ಗೌರವ ಕೊಡಲ್ಲ. ಸತ್ತ ಮೇಲೆ ಗೌರವ ಕೊಡುತ್ತಾರೆ. ಬಹುಶಃ ನನಗೂ ಹಾಗೇ ಆಗಬಹುದು’ ಎಂದು ಸಮಾಜವಾದಿ ಪಕ್ಷದ ಹಿರಿಯ ಮುಖಂಡ ನೋವಿನಿಂದಲೇ ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.