ಹೊಳೆಗೆ ಸ್ನಾನ ಮಾಡಲು ಬಂದ ಬಾಲಕಿ ಮೇಲೆ ಅತ್ಯಾಚಾರ

ರಾಂಚಿ: ಹೊಳೆಗೆ ಸ್ನಾನ ಮಾಡಲು ಬಂದ 8 ವರ್ಷದ ಬಾಲಕಿ ಮೇಲೆ ಗ್ರಾಮದ ಮುಖಂಡೆಯ ಪತಿ ಅತ್ಯಾಚಾರವೆಸಗಿದ ಘಟನೆ ನಡೆದಿದೆ.

ಘಟನೆ ಬಳಿಕ ಆರೋಪಿ ತಲೆಮರೆಸಿಕೊಂಡಿದ್ದು ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ. ತಾಯಿಯೊಂದಿಗೆ ಬಾಲಕಿ ಹೊಳೆಗೆ ಸ್ನಾನ ಮಾಡಲು ತೆರಳಿದ್ದಳು. ಈ ವೇಳೆ ಆರೋಪಿಯೂ ಅಲ್ಲಿಗೆ ಸ್ನಾನ ಮಾಡಲು ಬಂದಿದ್ದ.

ಈ ವೇಳೆ ಸೋಪ್ ಮರೆತಿದ್ದೇನೆ, ತಂದುಕೊಡುವಂತೆ ಮನೆಗೆ ಕಳುಹಿಸಿದ ಆರೋಪಿ ಹಿಂದೆಯೇ ಬಂದು ಬಾಲಕಿ ಮೇಲೆ ಅತ್ಯಾಚಾರವೆಸಗಿದ್ದಾನೆ. ಅಲ್ಲಿಂದ ತಪ್ಪಿಸಿಕೊಂಡು ಬಂದ ಬಾಲಕಿ ತಾಯಿಗೆ ವಿಚಾರ ತಿಳಿಸಿದ್ದಾಳೆ. ಬಳಿಕ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಪೊಲೀಸರಿಗೆ ಮಾಹಿತಿ ನೀಡಲಾಗಿದೆ.